عظات البابا شنودة

اقوى اوبريت البابا الراهب 2012

اقوى اوبريت البابا الراهب 2012

 

 

كلمات ترنيمة أوبريت البابا الراهب

دة حارب فى البرارى حاجات
عقارب داس و داس حيات
و فى حروبة سلاحه صلاة

لا كان طمعان فى مال يغنيه
ولا هدمة غير اللى عليه
وشهوه قلبه هى الله

و ايه فى مغارته حلو بديع
يخليه فيها بالأسابيع
بدون ما يشوف ولا إنسان

دة حبه لنسخ ماراسحاق
ولا فى مغارته شاف اشياء
تخليها عنده احلى مكان

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب


غريباً عشت فى الدنيا
كتبها و هو فى الدنيا
لا كان راهب ولا فى الدير

و من كتر الطهارة فيه
يشوف عثرة يخبى عينيه
طاهر فى الفعل و التفكير

دة راهب عاش على قده
فى حبه لديره مين قده
مثال فى الوحدة و التكريس

حفر له مغارة عاش فيها
فضايله تملى يخفيها
و يستاهل لقب قديس

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب

فريد من نوعه و استثناء
و متلمذ على الاباء
و دائماً حافظ اللى قالوه

و متصاحب على الأبرار
فى بستان ولا فى سنكسار
و عاش بإيمانهم باللى عشوه

خفا نفسه فكان ليه صيت
و قلبه نشيت و لبسه بسيط
و لقمه قليله بتكفيه

و رغم العطف و الطيبة
تبص تلاقى ليه هيبه
تحس الهنا ظاهر فيه

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب


هرب من المدح و التكريم
سعات تكريم ورا دى عظيم
رما العالم بحاله وراه

حكيم هادى اوى و راثى
لشده جاه ولا كراسى
ولا العالم فى يوم اغراه

كمل عمره لنهايته
مخبى فى قلبه و الايته
و عاش ناسك من النساك

يناجى ربه و يقوله
و انا فى وسط دة كله
هاممنى بس ابقى معاه

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب

لآنه قريب اوى منه
ميشبعش كلام عنه
بيفرح لما يحكى عليه

و قبل ما كان يوصينا
ضرورى يبقى قبلينا
عمل باللى نصحنا بيه

يا انطونيوس يا سريانى
اخلص مدح اقول تانى
و مهما اقول شوية عليك

طوباه البابا كيرلس
قدر بعيون روحيه يحس
بنعمه ربنا اللى فيك

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب


دة متوحد فى صحرا بعيد
صحيح لكن مكنش وحيد
الهه مونسه بيرعاه

عشان قلبه بإيمان مليان
يسوع شاور عليه علشان
يقود شعبه غنم مرعاه

بقى البابا لكن منسيش
فى وسط المشغوليه يعيش
يحارب كل لذاته

و عاش جاهز اوى للموت
هرب من رتبه الكهانوت
صبح فى اعلى درجاته

ابونا حبيبنا سيدنا
صلاتك عنا تسندنا
يا ناسك فى المسيح ماسك
و قلبك للمسيح واهب
يابابا شنودة يا راعينا
يانور فى العتمة يهدينا
مثاله مافيش و عهد نعيش
ببساطة البابا الراهب

لأنه لبيته متشوق
صليب قدامه متعلق
فبص عليه و قاله ياريت

تسفرنى لأنى تعبت
و ايام خدمتى كملت
فودينى بقى على البيت

و اول ما طلبها نال
و فعلا تم زى ما قال
و خد اكليله عقبالنا

ياصاحب ضحكة الاطفال
ياصاحب قوة الابطال
يابابا شنودة صليلنا

نظير جيد نظير جيد
راح البريه و اتبدل
يصوم و يصلى و يرتل
و ياكل من عمل ايده

نظير جيد نظير جيد
و كان على ربه متوكل
و سايب قلبه يتشكل
بأيد رب الوجود سيده

____________________
 كلمات: رمزي بشارة – ألحان: سامح عبيد – ترنيم: 30 مرنم

تعليق واحد

اترك رد

زر الذهاب إلى الأعلى