نحل ايه بس وهى متعقده من كل ناحيه بالشكل ده
بس انا عندى اعتراض على حاجه اتقالت انه اخوها يشد عليها وممكن يوصل الامر انه يقتلها
ايه هو دا
على فكره بقى موضوع الشده هو اللى كان السبب من البدايه هى لو كانت لقيت الحب والحنان جوه البيت مكانتش طلعت تدور عليهم بره
الشده دلوقتى هاتجيب نتيجه عكسيه اكتر وهاتبوظ الدنيا اكتر ماهى بايظه لان ده هايحسسها انه كان معاها حق لما فكرت بالطريقه دى وتفضل تتخيل ان الشاب ده هو اللى هاينقذها من اللى هى عايشه فيه
يبقى اخوها لازم يحاول يمسك اعصابه على قد ما يقدر ويحاول يقرب منها اكتر واكتر مش يشد عليها
انا كان عاجبنى رأى هانى وكنت مأيداه جدا ياريت بجد لو تحاول تفكر فى الحل ده تانى لانه لو اتنفذ اكيد هايحل المشكله لان استحاله تبقى فى الجو الروحى ده وقلبها يفضل قاسى زى ما هو اهم حاجه فى الموضوع ده ان اهلها مش ييأسو ويطولو بالهم على قد ما يقدرو لان المشكله مش سهله ومحتاجه صبر وطولة بال ولازم يصلو هى دلوقتى محتاجه لصلواتهم متنساش ان الصلاه نقلت الجبال
ربنا معاها ومع اهلها