[kottah_sh]

عايزه اعرف رأيكوا فى حاجه مهمه وهى ان كلنا بنروح اديره ونعرف رهبان هناك وبنروح نسلم عليهم
اولا : غلط انى اروح اسلم عليه على اساس انه هرب من العالم وانا رحتله
ثانيا: بالنسبه للبنات غلط ان الراهب يحط ايده على كتفها
ثالثا:غلط انى اروح اقوله على مشكله على اساس انى سبت الكهنه اللى فى منطقتى او بلدى وروحت عنده
ياجماعه من الاخر انا رحت دير من الاديره وناس عرفتنى براهب كبير فى السن متقاعد ومش بيتكلم لسانه تقيل واتصورت معاه وهوه حاطط ايده على كتفى وشافت الصوره دى امينه خدمتى وزعلت وقالتلى كل الحاجات اللى بسألكوا فيها دى وبجد اتضايقت جدا واتخنقت ومش عارفه انا صح ولا غلط

ارجوا الرد ويارب يكون كلامى وصلكوا او فهمتونى انا اول مره اشارك بموضوع

المصدر: †† ارثوذكس †† - من قسم: الموضوعات الشبابية

[Team Work®]

انا مش عارف ارد لكن ممكن اقول كلمة واحدة بس ان الرهبان لما مش بيكونوا عاوزين يكلموا حد بيمشيهم من قبل ما يدخلوا علية وبعدين هو انتى اللى شيلتى ايد ابونا وحطتيها على كتفك

انتى بنتوا واحنا لما بنروح بناخد منهم بركة

وساعات كتير بيكون فى كلام نفسي اقولوا ومش قادر فا بروح الدير واحكى ف برتاح وبيجيلي رد حلو بستفاد منوا

فا هو دة اللى انا اقدر اقولوا بس

[nrmo]

فعلا كلام هيما صح وانا شايفه انها عادى خالص اولا ده راهب كبير وبيعامل الكل زى اولاده ولو هو فعلا مش عاوز يقابل حد مش هيخليكى تقابليه وانك تحكيله على مشكله دى مفيهاش اى حاجه لان الرهبان اكيد بيسمعوا مشاكل كتير وبيحلوها .
ربنا معاكى

[iyiy]

بصى احنا الناس العادين بنفكر ازاى راهب يحط ايدة على كتف بنت او ازاى البنت تخلى الراهب يحط ايدة على كتفها او انها كدة بتعسرة
يانرمو الرهبان ما بيفكروش فى الحاجات الفاضية دى انتى زى اختة

[كراكيب]

بصي ياكوتاه خدي مني الكلام لاني اتعاملت مع ناس زي العينة اللي هي بتقولي عليها انا كنت عاوز اعرف سنك بس مش مشكلة
امينة خدمتك خاطئة لانها لاتعلم ماذا يكون الراهب وكيف يتصرف مع البنات انه يتصرف معهن كبناته وهن فعلا بناته بما فيهم امينة خدمتك يعني مش غلط خاااااااااااااااالص انه يحط ايده علي كتفك ده راهب وياريت نفتكر ابونا عبد المسيح المناهري مين مننا كان يتمني في حياته انه يشوفه بس بالعين يعني الموضوع خال من اي غلط
ثانيا مش غلط انك تروحي تسلمي عليه لانه مش معني انه مات عن العالم انه ميخدمش ويساهم في حل المشاكل بل قد تكون تلك هي خدمته والسنكسار مليء بالشواهد العملية حول استشارات الاباء الرهبان ويارة العلمانيين لهم
امينة خدمتك تنتمي لفئة موجودة في طائفتنا الارثوذكسيين وهم من النوع الجامد وانا اري ان افكارهم متزمتة ولا ينبغي ان تنشر تلك الافكار بل يجب اعادة التفكير في وجودها كامينة خدمة
الرب يبارك حياتك

[marmartadros]

عادى لان الراهب بيعامل الكل ذى اولادة

[kalapala]

من راييى مش غلط انا بحب اروح اتكلم معاهم اوى وكمان هو زى ابويا وراهب يعنى هو ساب الدنيا استحاله يكون قصده وحش بس امينه الخدمه بتاعتك هولت الموضوع وعشان تعرفى اكتر اسالى اب اعترافك

[بنت الراعي]

صدقيني الغلط مش انك قابلتي راهب او اتصورتي معاه
الغلط في امينة الخدمه بتاعتك
كلنا نعرف رهبان ان مثلا متربيه معاهم في الدير من وانا نونو يبقي دلوقتي مااروحش بقي عندهم عيب دول رهبان وماتو عن العالم لا غلط انا اروح بس كل حاجه تبقي في حدود العقول قعدتي معاهم وكلامي ولبسي
ولو لقيته مش عايز يتكلم معايا مااضيقش وثقي تمام الثقه ماحدش يقدر يخلي راهب يعمل حاجه غصب عنه ده حد مات عن العالم يبقي صعب انه يعتذر لك وما يتصورش معاكي طبعا سهل
ربنا معاكي وبلاش تفكري كده كتير مش كل اللي بتقال لنا صح

[كراكيب]

المشاركة الأصلية كتبت بواسطة بنت الراعي مش كل اللي بتقال لنا صح

تحية لبنت الراعي ع ردها الجميل فعلا مش كلنا اللي بيتقال لنا صح ومش كل اللي فاكرينهم بيفكروا صح بيفكروا صح

[بنت الراعي]

المشاركة الأصلية كتبت بواسطة كراكيب تحية لبنت الراعي ع ردها الجميل فعلا مش كلنا اللي بيتقال لنا صح ومش كل اللي فاكرينهم بيفكروا صح بيفكروا صح

متشكره اوي
بالضبط هو ده اللي كنت عايزه اقوله ربنا يباركك