[Jesuslittlegirl]

كان فى انسان عنده شوية خرفان ,

يجى كل يوم يحطلهم الاكل ويعقد شويه معاهم وبعد كدا يقفل الباب عليهم ويمشى .

وكان فى تعلب كان عارف ان فى المكان دا خرفان وعايز يدخل جوا المكان اللى فى الخرفان

علشان يخطف خروف ياكله , بص لقى الباب مقفول فكر التعلب وشاف فأر

, فقاله احناعايزين نبقى اصحاب وانا عايز منك مساعده وخدمه ,

الفأر قاله عايز منى ايه . فرد التعلب قاله انا عايز ادخل جوا الاوضه دى اخطف خروف

ناكله انا وانت بس مش عارف علشان الباب مقفول

, فأنا عايزك تقرض فى الخشب بتاع الباب من تحت وتحفر فى الارض

علشان اعرف ادخل من تحت عقب الباب
وفعلا فضل الفأر يعمل كدا لغاية ما فتح فتحه يدخل من التعلب ومسك خروف اكله

وقطعه وطلعه من تحت عقب الباب حته حته واكل هو والفأر .

وفضل على الحال دا هو والفار وصاحب الخرفان مش حاسس يجى كل يوم يبص

يلاقى الباب مقفول ميخدش فى باله ان الخرفان ناقصه
لغاية ما جه فى يوم وكان فى خروف صغير قال

احنا ليه نستنى التعلب لما يدخل علينا وياكلنا واحد ورا التانى

انا اهرب واروح للتعلب واموته وهو نايم ونخلص منه .
وفعلا هرب الخروف الصغير وراح مكان التعلب ولقى التعلب نايم فقال هى دى فرصتى اموت التعلب

واخلص من شره . وفجأه حس التعلب وصحى من النوم ,

اتخض الخروف لكن التعلب لقيه خروف صغير كدا وحلو شكله .

فقاله متخافش انا مش هأموتك انت عجبتنى وانا عايزك نكون اصحاب .

فرح الخروف بكلام التعلب وراح لباقى الخرفان قالهم انا خلصتكم من شر التعلب خلاص

وبقينا اصحاب وهو النهارده جاى يتعرف علينا ومش هياكلنا دا بقى حبيبى خالص

. فرحوا باقى الخرفان وفضلوا مستنين التعلب علشان يتعرفوا عليه ويبقوا اصحاب
كان التعلب راح لباقى التعالب اللى يعرفهم وقالهم تعالوا انا النهارده عازمكم

على وليمه كبيره وفعلا راح التعلب هو باقى التعالب لمكان الخرفان ,

لقى الفأر قاعد مستنيه فقالوا التعلب لاء انا مش محتاجلك تانى وراح موته
بعد كدا قعد التعلب يخبط على الباب فرد خروف مين فقالوا التعلب

انا التعلب صاحبكم جاى علشان اتعرف عليكم انا وباقى التعالب علشان اعرفكم ومحدش مننا يخوفكم تانى
راح الخروف الصغير فرح وقالوا انا مش قلتلكم بقينا اصحاب

, وفتح الباب للتعالب ودخلوا وفضلوا يفرحوا مع بعض وفى وسط ما هما فرحانين

ومهيصين جه تعلب من التعالب وراح قفل الباب مره واحده وهجموا على الخرفان كلهم

عاجت الخرفان وخافت لكن ما خلاص فات الوقت . فضل الخروف الصغير مفزوع

لغاية ما مات كل الخرفان واكلوهم التعالب فقال الخروف للتعلب انت عملت ليه كدا

احنا مش بقينا اصحاب ؟ فرد التعلب قالوا وهو ممكن يكون التعلب صديق وحبيب للخروف ؟؟؟
وهجم التعلب على الخروف الصغير ومات

حد فهم مغزى قصتى دى ؟؟؟

بصوا يا جماعه .. صاحب الخرفان دا كل اب وكل ام وكل راعى وكل خادم ,

شايف قدامه اولاده لكن ميعرفش عنهم اى حاجه ,

اخر اليوم بيلاقيهم نايمين فى اوضهم لكن ميعرفوش طول اليوم كانوا

فين بيجوا الاجتماعات فى الكنيسه بيحضروا مدارس الاحد لكن ميعرفوش

برا الكنيسه هما ايه او بيروحوا فين وبيصاحبوا مين من الناس .

شايفينهم قدامهم كويسين لكن مش حاسين بأى حاجه جواهم
اما الفار دا كل انسان يشبه يهوذا بيخون اخوه او اخته

او صديقه علشان المال او المركز او اى وعد بيحصل عليه
الخروف الناصح دا كل شاب وكل بنت بيحسوا انهم ممكن يجذبوا ناس للمسيح

من غير ما هما يكونوا متسلحين بالمسيح كويس بدل ما يغيروا ناس بيسقطوا هما نفسهم .

الخروف الناصح دا كل حد فينا بيندمج مع العالم فى حياته ويقول انه مش هيتأثر
كل واحد مننا يمشى مع العالم فى حياته ويقول انه مستحيل يتخلى

عن مسيحه اذا كان هو فى معاشرته للعالم اتخلى عن النعمه يبقى ازاى النعمه هتفضل معاه
التعلب دا طبعا عدو الخير اللى بيكون فى شكل اى انسان بيبعدنا عن ربنا

اللى قال عنهم المسيح التعالب اللى فى ذى حملان

المصدر: †† ارثوذكس †† - من قسم: القصص النصية

[miro_rook]

ميرسي ليك ياقبطيه علي القصه ديه وانتي نبهتيني
علي شىء عندي في الخدمه بامانه القصه ديه خلتني افكر فيها
ربنا يباركك حياتك وروحك

[الناى الحزين]

الخروف الناصح دا كل حد فينا بيندمج مع العالم فى حياته ويقول انه مش هيتأثر
كل واحد مننا يمشى مع العالم فى حياته ويقول انه مستحيل يتخلى

عن مسيحه اذا كان هو فى معاشرته للعالم اتخلى عن النعمه يبقى ازاى النعمه هتفضل معاه
التعلب دا طبعا عدو الخير اللى بيكون فى شكل اى انسان بيبعدنا عن ربنا

اللى قال عنهم المسيح التعالب اللى فى ذى حملان

بجد قصه جميله جداجدا
وهدفها واضح جدا
متشكر بجد على جمال القصه والاسلوب الجميل
ربنا يفرح قلبك

[الماكس مايكل]

المشاركة الأصلية كتبت بواسطة jesuslittlegirl بصوا يا جماعه .. صاحب الخرفان دا كل اب وكل ام وكل راعى وكل خادم , شايف قدامه اولاده لكن ميعرفش عنهم اى حاجه , اخر اليوم بيلاقيهم نايمين فى اوضهم لكن ميعرفوش طول اليوم كانوا فين بيجوا الاجتماعات فى الكنيسه بيحضروا مدارس الاحد لكن ميعرفوش برا الكنيسه هما ايه او بيروحوا فين وبيصاحبوا مين من الناس . شايفينهم قدامهم كويسين لكن مش حاسين بأى حاجه جواهم اما الفار دا كل انسان يشبه يهوذا بيخون اخوه او اخته او صديقه علشان المال او المركز او اى وعد بيحصل عليه الخروف الناصح دا كل شاب وكل بنت بيحسوا انهم ممكن يجذبوا ناس للمسيح من غير ما هما يكونوا متسلحين بالمسيح كويس بدل ما يغيروا ناس بيسقطوا هما نفسهم . الخروف الناصح دا كل حد فينا بيندمج مع العالم فى حياته ويقول انه مش هيتأثر كل واحد مننا يمشى مع العالم فى حياته ويقول انه مستحيل يتخلى عن مسيحه اذا كان هو فى معاشرته للعالم اتخلى عن النعمه يبقى ازاى النعمه هتفضل معاه التعلب دا طبعا عدو الخير اللى بيكون فى شكل اى انسان بيبعدنا عن ربنا اللى قال عنهم المسيح التعالب اللى فى ذى حملان

بجد قصة جميله اوى اوى
وعندك حق فى كلامك
الف شكر ليكى
ربنا يفرح قلبك

[أميرة عبده]

قصة فى منتهى الجمال بجد استفدت منها كتير

[dina_285]

قصه جميله جدااااا
ولهااااا هدف جميل جداااااااا
جداااااااااااااااااااا
ميرسي كتير علي القصه الحلوه
اااااااااااااااااوي دي
وانا استفدت منهااااااااااااااا