[nabil azer heneen]

كيف تعرف المصري؟

:المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكا لمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلاتين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه


- بيفتكر إن أي حد بيشتغل في الخليج بيغرف فلوس من غير حساب


- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع


- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

المصدر: †† ارثوذكس †† - من قسم: الضحك والفرفشة

[peter333]

ههههههههههههههههههههههههه هههههههههههههههه
مصرى مصرى يعنى مش اى كلام
المصرى دة اذكى خلق اللة
ههههههههههههههههههههههههه ههههههه
ميرس كتير ليك يا بلبل على المعلومات الصحيحة و المؤكدةدى ربنا معاك

[dr.salsa]

لو سألت انت مصري تقولي ايييييييييييييييه

تقول الكلام اللي قالهولك نبيل

ههههههههههههههههه

ميرسي ليك

[nabil azer heneen]

شكرا ليكم
الرب يبارك حياتكم وخدمتكم

[ابانوب حربي]

ههههههههههههههههههههههههه هههههههههههههههه
مصرى مصرى يعنى مش اى كلام
المصرى دة اذكى خلق اللة
ههههههههههههههههههههههههه ههههههه
ميرس كتير ليك يا بلبل على المعلومات الصحيحة و المؤكدةدى ربنا معاك

[Romeel]

المصرى تعرفه لما يخش اى حتة
حتى لو داخل الكنيسة
يقول السلام عليكم

المصرى دايماً لما يجيب حاجة لمراته وهو داخل البيت
لازم تقوله ياما جاب الغراب لأمه

المصرى كل يوم الصبح يصبح مراته تقوله المصروف والبيت والعيال
وهو يقوم على سب الدين والعيشة واللى عايشينها
بعد ما تكون قلبت كل جيوبه امبارح قبل ما ينام

المصرى اليوم وهو راكب الاتوبيس لو شاف حرامى بيسرق
يقوله دا انت الخسران

[MARMORAM]

بقا كده هو ده رايك فى المصرين

[nona queen]

ههههههههههههههههههههههههه هه
عمار يا مصر
المصرى هايفضل مصرى
اهىء اهىء للاسف

[مينا ابن الراعي]

المصرى الاصيل...............................ههه� �هههههههههههههههههه

[MICKEY]

هههههههههههههه
لا بجد موضوع حلو اوي اوي اوي وفكرته لزيزة
وحاسس انك بتتكلم عني

نياهاهاهاها