وداعاُ يا منتدي ارثوذوكس
سلام و نعمة يا اخوتي
سلام و نعمة يا اخوتي
انا بولا عاطف عضو و مشرف في منتدي ارثوذوكس باسم bolalover
لقد قررت و انا في كامل قوإيا العقلية ان اتنحي رسمياُ عن اي منصب اشرافي في منتدي ارثوذوكس و التنازل عن جميع الاقسام التي هي تحت اشرفي و مسئوليتي و اقدم استقالة رسمية و علنية امام الجميع.. للاستاذ / ابراهيم .. المسئول عن المنتدي و لكل من يقوم بدور الاشراف العام
الاستاذ / ايمن .. و الاستاذ / ميكي ...
و ذلك لوجود بعض الخلافات و المنازعات و الحروب بين مجموعة من الاعضاء و المشرفين
و انا كما انتم تعلمون ذو حس مرهف و قلب طيب و لذلك انا لا اريد ان اكون عبئاُ عليهم
و من الاخر كده مش هوريكم وشي تاني بس لو اتحيلتم عليا شوية هبقا اورهولكم كل يومين مرة ...
لا تستعجب عزيزي القارئ انها حلقة من مسلسل الاستقالات التي تمارس هنا ..
بيني و بينكم بقا بصراحة انا قولت اشمعنا انا ما كل يومين يدخلنا واحد و يقول باي انا ماشي و تدخل الاعضاء و تقوله ....
لا تتركنا يا حبيبنا .... لالالالا لو مشيتي همشي معاكي .... ايه ده معقول لالالا احنا بنحبك
ياراجل دا احنا منستغناش .... دا انت الخير و البركة .... انتي رايحة فين لالا مش تسبينا .
وبذلك يحدث كما هو مرغوب من العضو المستقيل (( و الحدق يفهم )).
انا ولا عايز امشي ولا حاجه بس حبيت اقدم ليكم نموذج للعضو و المشرف المثالي الي بيضعف من ابسط شئ و ابسط مشكلة و بحل مشاكله بانه يسبها و يهرب ... تصدقوا فعلا احلي طريقة لحل المشاكل الجري من المشاكل زي السيد قدرة بتاع الفول بيضرب و يجري
+++++++++++++++++++++++++++++++
اولاُ: اسف كتير علي العنوان لان معناه كبير جدااا و شئ غاية في الخطورة
ثانياُ: احب اوضح فكرة بسيطة و اتمني ان الكل يفهمها و هي :-
ان منتدي ارثوذكس مش قهوة تيجي سيادتكم مكرم تقعد عليها و تنقعص اوووي و واحد كليب ولا واحد ترنيمة ولا واحد كابتشينوا و تتكل و تروح لالالالا طبعا
انت او انتي مش قبلة انك تدخل المنتدي بكامل ارادتك و انت برده الي طلبة الاشراف بكامل ارادك
طيب ايه الحكاية بقا هي بزرميط هات اشراف قسم كذا يقولك خد تقوله بعد شوية لا مش عايز خده تاني .. طيب و هو ينفع الكلام ده
و يسلام علي الاعضاء الجمال بعيد بقا عن المشرفين يدخل شوية علي المنتدي ينزل كام موضوع
و يشارك معانا يبقا مبسوط فرحان علشان بيسعد الناس و الناس بتقوله شكرا و اخر ما يزهق و يملء يقولك ايه لا يا عم انال ماشي ....(( لا تعليق ))
++++++++++++++++++++++++++++++++
انا برده مش عايز اكون متحامل علي الاعضاء او المشرفين الي بيدخلوا يعملوا كده بس برده احب اوضح لكل الي بفكر بالطريقة دي ان الشخص الذي يخدم منتدي ارثوذكس سواء باشراف او بتقديم ما عنده من مواضيع و بذل مجهود في هذا المنتدي يجب ان ينظر لهذه الخدمة علي انها خدمة كنسية و بالفعل هي خدمة كنسية و هي ايضا خدمة لاصحاب البيعة الشهيد العظيم مارجرجس و الملاك مخائيل ...
يعني من الاخر خلاصة الكلام يا حلوين انت بتقدم خدمة لربنا عايز تكمل الخدمة و ربنا يجزيك عليها طبعا كل خير لانك اكيد بمواضيعك دي بتفيد ناس كتير و لو بمعلومة او تحقيق شئ يريده غيرك او رسم ابتسامة علي وجه شخص او .. او ... فكمل و دي شئ اكيد يسعدنا و لو بقا مش عايز تكمل الخدمة الي هي زي ما قولنا ربنا و اصحاب البيعة و الناس الي انت بتفدهم فدي شئ يرجع لسيادتكم ...
و للفايدة الاكبر من كل الرغي الي انا عمال ارغي فيه من صبحية ربنا مفيش مشي من المنتدي من الاخر بقا و زي ما بقولوا هو دخول الحمام زي خروجه
يا خويا .. يا اختي لو عندكم مشكلة و المشكلة دي مهما كانت هي ايه و بسببها ممكن تسيب اخواتك التانين الي بيحبوك فانت كده غلطان انك تمشي و تسبنا من غير ما نعرف مشكلتك ايه
قولنا عليها و نحلها سوه و نتناقش فيها و لازم يكون في محبة زيادة عن كده شوية يعني نسامح بعضينا و منشيلش في قلوبنا من بعضينا ......اسف للاطالة
اخــوكــم
بـــولا
(( ارحـمـنــي يـــا الـــهـي.... ))
بـــولا
(( ارحـمـنــي يـــا الـــهـي.... ))