†† ارثوذكس ††

†† ارثوذكس †† (http://www.orsozox.com/forums/index.php)
-   المرشد الروحى (كلمة الله التى تؤثر فيك) (http://www.orsozox.com/forums/forumdisplay.php?f=5)
-   -   الخطايا الصغيرة†فكر فيها كده؟ (http://www.orsozox.com/forums/showthread.php?t=6230)

Rina_Markorios 01-25-2008 01:45 AM

الخطايا الصغيرة†فكر فيها كده؟
 
بإسم الآب والإبن والروح القدس الإله الواحد
آميــــــــــــــــــــــ ــــــــــن
+++
فى حاجات كتيرة فى حياتنا نتهاون فيها كتير ونقول دى حاجات صغيرة وفيها ايه لو حصلت مش راح يحصل حاجة زى ايه مثلاً؟...
1- السجائر,

2- اللبس الضيق للبنات ,
3- نوعية الافلام اللى
ممكن نشوفها...
دى أمثلة بسيطة جدا من كتير

بنقول لنفسنا الكتاب المقدس ما تتكلمش على الحاجات دى يبقى اكيد مش خطايا...
طيب تعالوا نشوف سوى الكتاب المقدس ماتكلمش عليها فعلا ؟

الكتاب المقدس ماسبش حاجة غير واتكلم عليها حتى لو بطريقة غير مباشرة...
ودى مثلا من الحاجات الصغيرة اللى قولنا عنها

1-السجائر؟
لو فكرنا فيها كده هانعرف انها خطية من غير مانحس ...
طيب إزاى؟
اولاً- صحتنا نعمة ربنا أعطاها لنا واى عطية ربنا يعطيها لنالازم نحافظ عليها ولم نهملها

وزى ماقال الكتاب:"ألا تعلمون إنكم هياكل الله وان روح الله يسكن فيكم فمن يفسد هيكل الله يفسده الله،فهيكل طاهر ومقدس"
"
وبشربنا للسجائر احنا بندمرها يعنى اهملنا عطية الله
وأفسدنا هيكله المقدس
..
وكمان الفلوس اللى بتتصرف عليها كتير برضه دى فلوس ربنا عطيها لنا يبقى لازم نحافظ عليها ولو مش محتاجنها وبنضيعها فى السجائر طيب ما نعطيها للمحتاجين او نضعها فى الكنيسة لربنا واهو نبقى اديناها لربنا احسن وساعدنا بيها غيرنا ناس محتاجة الفلوس اللى احنا بنحرقها دى فى الهوى
فكر فيها كده؟حاجة صغيرة فعلاً؟..
+++
2- طريقة اللبس؟
السيد المسيح قال عليها صراحة فى الكتاب المقدس فهو قال
"ويلاً لمن تأتى بسببه العثرات"
يعنى لو البنت لبست لبس مش كويس ومايلقش ببنات المسيح الناس هاتبص عليها وتعثر بسببها وكده هى شالت خطية كبيرة .
فكر فيها كده؟
+++
3- نوعية الافلام اللى ممكن نشوفها ؟
هانقول وفيها ايه ده مجرد فيلم لما أشوفه مش هايحصل حاجة مافيهاش حاجة يعنى ..
لا فيها حاجة السيد المسيح قالها برضه صراحةَ و قال
سراج الجسد هو العين فإن كانت عينك شريرة جسدك كله يكون شرير وإن كانت عينك نيرة فجسدك كله يكون نير
يعنى لو لوثنا نظرنا جسدنا كله هايكون شرير
وكمان النظرة تولد شهوة والشهوة بالفعل تولد خطية
وأجرة الخطية هى موت وحياة جحيم أبدى
..
وهى دى الحاجات الصغيرة فكر فيها ؟

كده هل هى صغيرة فعلاً؟

فما بالك بالحاجات الكبيرة
.
وزى ماقال معلنا بولس الرسول "

ألا تعلمون ان خميرة صغيرة تفسد العجينة كلها
(بنت أبى سيفين)Rina
أذكرونى فى صلواتكم





Team Work® 01-25-2008 03:45 AM

الله اشكرك جدا على موضوعك اتلحلو دة وفعلا انتى كلامك صح وحلو قوى ومش هاقدر اقول غير كدة

ربنا يفرح قلبك امين

اسامه 02-03-2008 10:43 AM

رد: الخطايا الصغيرة†فكر فيها كده؟
 
موضوعك هايل يا Rina بجد ربنا يبارك حياتك ويعوض تعب محبتك ويا ريت الشباب والبنات يتعلموا من الموضوع الجميل ده شكرا ليكى كتير وننتظر المزيد من موضيعك الجميله

minabobos 02-05-2008 03:16 AM

رد: الخطايا الصغيرة†فكر فيها كده؟
 
موضوعك هايل يا Rina
بجد ربنا يبارك حياتك
ويعوض تعب محبتك

noudaa 02-06-2008 01:48 AM

رد: الخطايا الصغيرة†فكر فيها كده؟
 
مبرسيي rina الموضوع جميل اوي و ربنا يعوضك

اللة يرعانى 02-06-2008 12:11 PM

رد: الخطايا الصغيرة†فكر فيها كده؟
 
شكرا ليكى على الموضوع وياريت الكل يعمل بنصيحة دى ربنا يبارك حياتك

نانانادر 02-06-2008 12:26 PM

رد: الخطايا الصغيرة†فكر فيها كده؟
 
شكرا ليكى على موضوعك المتميز .....

وضيفى على الخطايا الصغيرة دى خطايا اللسان....اللى دايما مبناخدش بالنا منها .....
وربنا يبارك حياتك...واذكرينى فى صلاتك...


الساعة الآن 11:22 PM.

Powered by vBulletin
Copyright ©2000, Jelsoft Enterprises Ltd.