رد: احسن تعليق على منتداكم المحبوب ارثوذوكس
كُتب : [ 02-24-2008
- 01:42 PM
]
اسمحولي اضيف رد تاني عشان بجد اقدر اصف انا بحبه وبحبكم اد ايه ..؟؟
دايما داخلك بأستمرار
سواء ليل ولا نهاااار
ماهي مواضيعك سخنه زي النااار
واعضائك حلوة وكمان كتااار
من كل منطقه ومن جميع الاقطااار
الاقي اعضاء ميه ميه وشطاااار
انا بعشقك عشق القطة للفاار
وعشق اللي خارج من الصيام للجزار
وعشق الفلاح للجرار
قبل مادخلك كنت دايما محتار
ولما دخلتك كان احلي قرار
واحلي مافيك احترامك للكل سواء صغيرين ولا كبار
لما دخلت المنتديات العامه
حسيت اني بقي ليا عزوه ولمة
كلنا اخوات بنشارك بهمه
وردودنا صريحه وكمان بزمه
ولما دخلت منتدي حياة القديسين والقديسات
ندمت علي كل اللي فات
علي الوقت اللي ضيعته في سكاااات
بانشغالي في اللذات
بعد كده دخلت منتدي الكتاب المقدس والبابا كمان
حسيت بارتياح نفسي وملك قلبي الأمان
وندمت اني مدخلتوش من زمان
واتولد جوايا الحب والحنان
ولما فتحت منتدي القصص والتاملات الروحية
ندمت علي اللي ياما عملته من خطية
وقررت اتوب وارجع لفاديا
بس ياريت ربنا يقبل مني توبتي ديا
بعد كده عديت علي المناقشات الروحية والادب والعلم والثقافه
وقسم الاطفال والملتيميديا المسيحيه
حاجه فوق الوصف ومعلومات كلها ميه ميه
خلتني احس اد ايه انا صغير في الدنيا ديا
وبعد كده وقفت عند الحاسب الالي وقسم المحمول
لقيت نفسي قدام الاختراعات واقف مزهوووول
حاجه جميلة وتطور مش معقووول
وفي المنتدي الترفيهي لقيت الضحك ملوش مسيل
كوميديا والعاب وكاركاتير انك تلاقي زيها مستحيل
وعرفت اد ايه الاعضاء بيحبوا بعض حب السمك للنيل
وفي قسم المرأة والمنتدي الاجتماعي
الزوق الحديث في الموضه بكل المعاني
كلامي ده من قلبي مش كلام اغاني
يااحلي منتدي مشوفتش زيه تاني
|