1_ يا مصر يا بختك يا هناك بالطفل يسوع لما جاك
بالطفل يسوع لما جاك إداكي البركة السماوية
2_ أصنامك بقيت مرعوبة علي وشها راحت مقلوبة
علي وشها راحت مقلوبة وأنتهت الدولة الوثنية
3_ وبقي له فيك مذبح ونصاري تصلي وتسبح
ونصارى تصلي وتسبح في القداسات الإلهية
4_ والشهداء ألوف بذلوا دماهم في حب الرب اللي فداهم
في حب الرب اللي فداهم رفعوا أعلام المسيحية
5_ والصحراء بالأديرة عمرت والقديسين فيها كترت
والقديسين فيها كترت هم أنوار البرية