عمرك رخمت على حد ... طب ايه رايك نرخم على حد نايم
عزيزي الصاحي اذا كنت تعاني من أرق لأي سبب وحاقد على واحد نايييييم
او لقدر الله طق فيوز النداله فجأه عندك او عرق الرزاله بينأح عليك اوبيوجعك
ماعليك الا ان تتبع الخطوات التاليه وخليك معايا تسلم ( قصدى تروح فى داهيه )
وصدقنى ممكن يشكرك فيها ( قصدى يقتلك فيها ) ما علينااااااااااااااااااااا ااااااااا
كل ما عليك انك تتبع الخطوات الاتيه :
1) اذا كان في عز نومه وانت مانمتش أو مش جايلك نوم ادخل الاوضه وولع النوووور
واطلع بمنتهي البرود كأنك ولا عملت حاجه .. بس اهم حاجه متنساش تقفل الباب
إذا كان نومه خفيف هايصحي وقولك ( إطفي النور يا حيوان ) طبعا إحنا
إتفقنا إنك بارد عشان كدا ولا كانك سامع حاجه اصلا يا معلم
ما تدلوش اى اهتمام و تذكر القانون الأول لنيوتن في التنفيض
" لكل فعل له تنفيضة مساوية له في المقدار و مضادة له في الإتجاة " .
2:اما بقى فى حالة انه يكون نومه تقيل ( واحتمال كمان تلقيه بيشخر ) فعليك ان
تعمل كانك إكتشفت بالصدفه الباحته (ولرب صدفه خير من الف معاد ) إن في بيتكم
سرير وعايز تتأكد إن كل حاجه تمام و إن السرير
رجليه مظبوطه وان المرتبه بتعته مريحه دا واجب بردوا وطبعا دا السرير اللى اخينا
نايم عليه ويمكنك ساعتها القيام بالكثير من التخبيط و الدق وتحريك
السرير وانصحك تهز السرير هزه عنيفه ( القوه يا رادله
3) لو حضرتك قاعد على الكومبيوتر وجالك مزاج تسمع اغنيه مش تشغل
الهيدفون والكلام الفارغ ده .......لا منك للسب على طول واعلى صوت يا
باشا وياسلام لو الاغنيه دى تنطيط وكده يعنى علشان تقرف اللى نايم
بصوت الدبدبه بتاع الاغنيه
لسه ما قامش ؟؟ إوعي تيأس
4) بص ياجميل علشان بقى تصحيه فعلا وتتاكد كده انه صحى وفاق وبقى ميت فل
وعشره تعمل ايه يا جميل هقولك انا............ .. انت تكون قاعد وطافى
كل انوار البيت ومشغل فيلم رعب جامد واول مايجى مشهد مرعب تفصل تصوت وتقول لالالالالالالالا حرام عليك ارحمنى انا مش قدك يا لهوى يا مصيبتى الحقونى ...واول مايجى الشخص اللى انت
عايز تصحيه ويسالك فى ايه مالك تقوله ابدا اصلى كنت بتخيل المشهد اللى
هيجى بعد ده وبتخيل البطل كان هيعمل ايه يعنى ...روح نام روح ...وطبعا
مش هيروح ينام من فيلم صراع الطبقات اللى انت عاملهوله ده
5) اذا كان منفعتش معاه حتة فيلم الرعب دى خشله عنده
جيب ماء باااارد وقرب منه وقطر على جبهته قطره قطرة هايترعش
ويمسح جبهته فاكرها نمله ولا حاجة .
واقعد كده لحد ما يصحي أو يقوم يرزعك قلم محترم علي وشك ويكمل نوم
6 ) خذ منديل ولفها لحد ما يبقي على شكل العود... الغرض ان يكون نهاية
طرفه حاد ..
وبس يا معلم .. أخينا رأسه أصبحت ملعبا وأنت الهداف
ممكن تحطها في ودنه ( الحركة دي مستفزة جدا ومجربة )
ممكن تحطها في فمه
ممكن تحطها في أنفه بس مش لجوة أوي يعني
7) ممكن بقى تعمل كان بيتكم بيولع وتيجى عند ودانه وتصوت وتقله (حريقااااااااااااااااااااا اااااااااااااااااا) ويااااااااه بقى لو تقول وراها تووووووووووووووووت
واخر نصيحه اقدر اقدمهالك
8)لو عايز تصحيه وتقهره على شبابه خليك كده ايزى اطفى التليفزيون وخلى
جو البيت هدوء وباعلى صوت عندك زى اى بقره او جاموسه قول... التربتو
التربتو..... وطبل وسقف كأنك فى اجدع فرح لبنت العمده وزغروطه لزوم الشغل
بردوا .....وقول وعقبال عندك يا ام محمد ....ونازله السلالم وقول كام اغنيه
شعبى كده واعمل كوكتيل جامد ...وغنيه بطريقه غبيه كانك بتتخانق ...لو
صحى وقالك فى ايه قوله ابدا بفكر ابقى مطرب شعبى ....او ناوى اقدم فى
برنامج سوبر استار(خلف الاسوار)...ودى بتكون نهايتك ياحلو
وفى النهايه وبعد هذا العناء احيك لو قدرت تكمل لحد التجربه اتنين ( وانصحك انك تختفى من قدامه عشان متبقاش مقيم فى مستشفى عنبر الجراحه او المكسورين ) ولو دا حصل متقلقش انا اول واحد هيجي
واذا عزتونى فى اى خدمه اتصلوا على ( زيرو طمطمايه ست خيارات خصايه ) تجدونى اينما كنت ههههههههههههههههههههههههه هههههههههههههههه