كان قصدك تقوللى ايه ..
كان مين يلومك يايسوع لو جيت فى قصر عالى
وسط ضجه واحتفال وفرحه تدوم ليالى
كان مين يلومك يايسوع لو جيت من اشهر ام
وسط عيله وانساب والقاب تسد كل فم
كان مين يلومك يايسوع لو جيت فى مال وغنا
وسط سلطان وجاه وبرج عالى للسما
كان مين يلومك يايسوع لو جيت فى اكبر مدينه
وسط ألفه واهتمام ومظاهر كمان وزينه
كان مين يلومك يايسوع لو جيت فى ملك سامى
وسط جند ورياسات ومجد يظهر فى الاعالى
كان مين يلومك يايسوع لو جيت بسلطان الاله
سيد على كل عالى تنحنى ليه الجباه
كان قصدك تقوللى ايه ...... اكيد دى رساله ليا
عاوزنى اعيش صفاتك ...... نفسك تشوفها فيا
لو عشت فى اتضاعك هاادوس اى خطيه
والصوره الاولى ترجع صوره جميله بهيه