[Dr.PeRO]

اولا: بشكرك يا ايمى لأنك فتحتى موضوع جميل ومهم

ثانيا: قبل ما اقول رأيي أحب أعلق تعليقات بسيطة على بعض الردود الجميلة اللى اتقالت فى الموضوع:

• وانا من رائى باختصار ان سبب عزوف الشباب عن حضور اجتماع الشباب والخدام هى حالة الفتور اللى سايده فى الزمن ده

كلام سليم، فعلاً فى حالة فتور روحى سائد .. بس لما بيكون سائد ده يبقى فيه حاجة غلط فى تربيتنا المسيحية .. يعنى الغلط هنا يا هيبقى من البيت (أنه بيفصلنا عن حضن الكنيسة) يا إما هيبقى فى الكنيسة ذاتها (لأنها بتفصلنا عن المسيح) .. ومع كل احترامى لأى رأي ضدى .. فأنا مش منافق عشان اقول رأى تانى غير اللى بشعر بيه .. الكنيسة روحانيتها بتعلى او بتهبط حسب رُعاتها .. يعنى اذا كانوا كهنة روحانيين، هيقدروا بمعونة الروح القدس بعمل نهضة حقيقية لشعب الكنيسة .. مثال بسيط، أبونا مكارى يونان أو ابونا سمعان (دير المقطم) .. ليه هناك فى نهضات ونمو روحى جميل للشعب .. عشان فيه هناك ناس روحانيين.

• عاوزه يبقي فية روح وخبرة حياة عاوزة يبقي فيه اسلوب عايزها ميش تبقي فريسية المظهر عايزها متبقاش هدف وغاية بحد ذاتها بقدر ما تكون وسيلة ايجابية توصل لطريق الرب وقتها لو اي حد تكلم او اي اجتماع حيبقي في سهولة اني استقبل منة لانه ميش يتكلم من فراغ لا بل روح الله اللى بترشدة ليوصل كلمة من خلاله دا طبعا اختبرة الاباء الرسل اولاَ لذلك كانو بياتو بثمر كثير لان روح الله تعمل فيهم ومن خلالهم

طبعاً كل اللى قالته ريم ده من الصفات الطبيعية لأى اجتماع روحى .. لأن لو فيه اخلال بالصفات ديه يبقى اسمه اجتماع شباب، اجتماع خميس، اجتماع ثقافى، ندوة ... الخ
أقصد نقدر نسميه اى حاجة الا الاجتماع الروحى .. وكلمة روحى يعنى بيسلك حسب الروح وليس الجسد .. يعنى بيسلك حسب النفخة المقدسة اللى اعطاها لنا الله وبحسب صورته ومثاله لا بحسب صورة العالم وأموره .. حتى وإن بدت عادية لكنها ليست روحية.

• لبس البنات اللى مش فاهمة ان جسدها دة وزنة وامانة هتتحاسب عليها امام اللة

مهو مش فاهمة ليه ... يا اما برضه محدش فهمها صح بطريقة مسيحية وكتابية (وده دور الكنيسة اولا ثم البيت)، يا اما فاهمة كويس وتمام بس مش مقتنعة او مش عاوزة تعمل الصح لأسباب عديدة منها الزواج او الاحساس بالجمال أو .. أو ... وده بقى يبقى موضوع تانى يخصها هى شخصياً ... بس بالمنطق ماظنش ابداً ان كل هذا الكم الهائل من البنات بيعندوا مع ربنا فى نقطة المظهر ديه !! بل اظن بالاولى انهم لم يقدروا ولم يعرفوا حقيقة الأمر من الكنيسة أولاً ثم البيت.
وده رأيي الشخصى بحسب المنطق.

• يوجد فتور شديد جدا جدا بين الشابات والشباب واشعر فى الحضور بالمظهرية ولامكان للعمق أو جو روحى

وده سببه ايه .. سببه ان لا يمكن ان يكون القلب فاضى او فارغ .. وطالما المسيح مش فى القلب يبقى الثمر هيكون ثمر فاسد ... وعلى فكرة مفيش لون رومادى فى القلب، يا اما المسيح موجود او الشيطان موجود .. فالقلب لا يبقى فارغاً .. والشيطان اسرع من ينتهز فرصة غياب الله عن القلب .. فيسكن هو وتبدأ الثمار العفنة فى ان تنضج وتخرب فى التربة الصالحة التى شكلها الرب بيده .. الثمار الفاسدة كثيرة ومتنوعة مثل: الفتور الروحى، الهروب من مواجهة النفس بحقيقة أمرها وبعدها عن خالقها، المكابرة والاستمرار فى الخطية بل وتبريرها (بحجة ان كله بيعمل كده)، اللبس زى ما ذكرتوا (برضه بحجة ان بنات مصر والعالم كله ماشى كده، ومسموح فى الكنيسة بكده، ومسمعناش عن حد بالذات فى الافراح او المناسبات اتمنع من الدخول اذا كان لبسه غير لائق.. يبقى ليه هى تعمل عكس كده طالما الدنيا ماشية ) ..

أما رأيي الشخصى بخصوص الموضوع بصفة عامة .. هو ان ازاى اعكل اجتماع ناجح روحيا وهو لسه فيه اخطاء روحية .. انا هقول كلمة قالها البابا شنودة فى عظته الشهيرة عن الموت .. لما قال: ازاى تمشى فى حياة الفضيلة وانت لسه ماسبتش الرذيلة .. بمعنى انى لازم اعترف بالخطأ مهما كان حجمه كبير او صغير ، مهما كان يخصنى كا أمين خدمة او خادم او ميخصنيش .. وبعد الاعتراف والمصارحة يبقى كأنى بدعو الله ليمد يده من جديد ويبارك الاجتماع ويحل فيه .. بعديها (أى بعد الجهاد الحقيقي للتخلص من كل الثمار الفاسدة) يستطيع الرب تجديد الطبيعة البشرية وقلب الاجتماع رأساً على عقب ليصبح اجتماع روحى بالدرجة الاولى .. فيباركه بحضوره المقدس و يوجه خدامه بل وشعبه الى كل ماهو روحانى ..
الملخص: قيادة الاجتماع تشبه كثيراً قيادة النفس البشرية لله .. اول خطوة هى التوبة والاعتراف .. تانى خطوة الجهاد الروحى .. باقى الخطوات هى للرب يقودها حسب مسرته وحكمته ومحبته الغير محدودة .. وبحسب يده المدبرة .. التى دبرت وحولت من مقلب الزبالة (جبل المقطم) الى واحد من اقوى الاجتماعات الروحية فى مصر بل والعالم (دير القديس سمعان الخراز).