قـــــــررت أرجعلك يايسوعي قــررت اتــــــوب
قــــــــررت اسيب كل شروري من تاني واتوب
قــــــــررت أسيب كل مشاعري لالهي يسـوع
ما انا اصلــــي من يوم ما عرفتك وعرفت النور
وعــرفت طريقك ومشيئتـــك وبقيت مســــرور
من فضلك يايسوع أحميني يايسوع أرجوك احييني
أحيينـــي لطــريق النور أحميني من كل شرور
مش بأرادتي لكن بإرادتك طلبــــــه مشيئتـــك
أنا اضعف من أني أقرر أرجعلك وأتوب يايسوع
لكن بطلب قوه عظيمه تسندني بحبك وتــــدوم
قــــــــــــررت ارجعلك يايسوعي قررت أتـــــوب
انت الدنيا وكل ما فيها انت النور لحياتـــــــــي ياربـــي
مهما احاول افرح نفسي مهما احاول ارسم شخصــي
عمـري ما هقدر افرح نفسي بس بقول لنفسي احاول
ببـــدأ افكــــر وأوهـــم نفسي ان انا هملك كل الدنيـــا
يبـــدأ فكــري ياخد ويودي وينسيني حبيبـــي وربـــــي
وابـدأ أقـــــول الدنيا معايـــــا مش محتاجـــه لحد كفايه
ديما فكري واخدني وشارد لطريق ماله حقيقي نهايه
وســـــط ده كله بحس بخوف وبحس انا ديمـــا تايــــهه
جــــوايا احساس بالنقــــص جوايا قلبـــــي موجـــــوع
جـــــوايا محتاجه حنان جــــــوايا محتـــــــاجه آمـــــان
عمـــــري ما هقـــــدر احقق ده من غيرك انت يايسوع
وفـ الاخــــــر انت اللي تدبـــــر وبترسم لطريقي النور
انت الدنيـــا وكل ما فيها انت النــــور لحياتـــــي ياربي
مهمـــــــــا جريت ومهما حولت ترتيبك هو هيكـــــــــون
مــــن يوم ولادتي يايســـــوع وانت مخطط كل طريقي
وانا كل اللي عليه ياربــي اسمع صوتك وقود خطواتك ربـــــي حبيبي كون ويايا ربــــي حبيبي اسمع صوتي