أزيكم جميعا يارب تكونوا بخير وبصحه جيده في بداية السنه الجديده الجميله عليكم ^_^
الحقيقه حابب أدخل في الموضوع على طول , واتمنى تتقبلوا كلامي بصدر رحب
أنا كنت ببحث في جوجل عن أشياء عن المسلمين ,, فجاتني نتيجه من ضمن نتائج البحث
كلمة رسالة خاصة أخواتنا المسلمين فدخلت ,, فلقيته منتدى مسيحي , بس العنوان شدني
حاولت أقرأ الموضوع , مقدرتش اقرأ إلا لما أسجل ,, سجلت وقريته وكان الموضوع ده
https://www.orsozox.com/forums/f4/t5205/
للأخ أيمن زي ما شفت اكتر من شخص بيقوله أستاذ أيمن
والحقيقه بعد ما قرأت الموضوع بتمعن مره و اتنين و تلاته , كنت مبسوط جدا ^^
يعني الحقيقه أنا مسلم ,, والي شفته في موضوع الأستاذ أيمن سرني جدا
كنت اتمنى اتكلم مع أكبر عدد من المسيحيين , وأقول كلام كتير
لكن كل الي حبيت اقوله لقيته موجود في موضوع الأستاذ أيمن
بكلمكم بصدق ,, أنا سعادتي باااالغه جدا بكلامه , وبردود الناس عليه
أنا ممتن و ممنون لمشاعركم جدا , وبعدين لو مكناش أخوه في الدين
فأحنا أخوه في البلد و العرق و البشريه و الخلق
وانا شخصيا ليه وجهة نظر بسيطه جدا و متواضعه
أن الأنسجام ما بين الأديان في نظري هو أسمى أنواع التعاون و المحبة و الإيمان
لذلك أنا بعد ما قريت موضوع الأستاذ أيمن , مقدرتش أمنع نفسي من كتابة موضوعي
سامحوني على تطفلي , لكن انا بجد كان في كلام في قلبي , وحبيت اقوله
أتمنى مكنش ضايقت حد , واهم حاجه عندي أن تفضل علاقتنا رااائعه للأبد
وليموتوا المحرضين على الفتنه غيظاً ^^
عموما خلاص مش لاقي كلام اقوله , بس عندي مشاعر كتير تجاهكم
واتمنى توصل ليكم
أما بقى بخصوص الأستاذ أيمن , فـ ده حبيبي ههههههههههه
لا بجد ,, أنا بحترمه , وبقدره و بوقره جدا , وهوه على راسي
ياااا ريت , كل الناس زيك و بعقليتك يا حبيبي
تقبلوا مروري البسيط , اتمنى أنه كان كلامي خفيف عليكم
وإن شاء الله سنة جميله و مليئه بخير و سعاده علينا جميعاً
أخوكم محمد ^_^