رد: سؤال ارجو المساعدة
كُتب : [ 10-22-2010
- 10:12 PM
]
بصى هو انا مش هكذب عليكى واقولك ان انتى ملكيش حق تزعلى لا بحكم الطبيعة البشرية انتى معزورة وانا لو فى مكانك هزعل برضوا لان التفرقة دى بتضايق وبتصنع فجوة بين الاخوات
بس صدقينى لو بصيتى للموضوع من منظور تانى هتلاقى ان جراحك ممكن تكون اسهل وابسط من كدة بكتير باباكى عمل اللى عملة دة بدافع الواقع اللى حوالية هما اخدوا نصيب اكبر منك انتى اخدتى نصيب اصغر مع الموجود من زوجك هتلاقيها متعادلة دة قانون العالم من قديم الازل فى الغالب
مش مسالة حب زائد من باباكى لاخواتك خالص صدقينى
وبعدين اخواتك ذنبهم اية لو فرضنا ان انتى حاسة بظلم من بابا
صدقينى تعبك دة بسبب حب المال لان لو مكنتشى المشكلة فى المال مكنتيش انتى زعلتى كدة
عزيزتى احنا مش هناخد معانا حاجة والمال والميراث العالم كلة ميسويش حاجة قدام محبة اخواتك ولحظة حلوة معاهم وعلاقة محبة ومودة معاهم
متوسعيش الفجوات بينك وبين اخواتك وبصى لقدام لما ولادك يسالوكى انتى مش بتكلمى خالو لية يا ماما ويكبروا شوية ويعرفوا السبب هتلاقى نفسك من غير ما تقصدى بتزرعى فيهم الكراهية ومحبة المال ومحاولة رد الاعتبار بطرق كتير حتى لو كانت غير مباشرة
وانتى قلتى حاجة حلوة بتدل على نقاء قلبك
انك خايفة من مقابلة ربنا وسؤالة ليكى عن محبتك لاخواتك
ازرعى الحب والمودة بينك وبين اخواتك واكتفى باللى عندك بالرضاء والقناعة وانتى هتلاقى ربنا هيبارك فى القليل ويجعل منة الكتير متربطيش محبتك لاخواتك بمحبتك للمال ومتخليش الشيطان يستغل مشاعرك ويكبرها جواكى
اطلبى من ربنا الشفاء لنفسك وقلبك اطلبى منة يديكى الحب اللى يخليكى تحسى بالشبع
النفس الشبعانة تدوس العسل والنفس الجعانة كل حلو مر لها
ماذا ينتفع الانسان لو ربح العالم كلة وخسر نفسة
|