[Dr.PeRO]

أولا قبل ما اتكلم فى الموضوع، انا مبسوط انك رجعتى المنتدى من جديد، بعد فترة غياب .. وده كان نفس اللى حصل معايا برضه، بعدت عن المنتدى من 2009 بس الحمد لله رجعت بيتي تانى. حمدلله على السلامة.

ثانيا: الموضوع جميل جداا وبيوضح انواع الشخصيات وتنوع صفاتهم والتناقض فيها ... وده مهم لكل واحد فينا عشان يدرك كيفية التعامل الحذر مع الجميع.

ثالثاً: عندى اعتراض على نقطة ذكرتيها فى اول الموضوع:

طبعا لكل أنسان فينا شخصيه مختلفه عن الاخر وهذا ان دل على شىء يدل عن مدى دقه الله فى خلقه الانسان والتعقيدات الداخليه لكل واحد

في رأيي المتواضع ان تنوع الصفات ده مالوش دعوة بربنا على الاطلاق، ربنا خلق وأوجد فينا صفات كلها جميلة والأهم ان الصفات ديه هى انعكاس عن صفاته الالهية، يعنى مثلا خلق المحبة وده لأنه مكتوب عن الله "الله محبة" .. خلق فينا الرحمة لأنه مكتوب "فكونوا رحماء كما ان اباكم ايضا رحيم"، وهكذا كل صفات الله هتلاقيها فى البشر بنسب مختلفة لكن بدون صفة الكمال ...
فكلنا فى الأصل صفاتنا كانت واحدة، وهى صفات الله المخلوقة فى أبينا آدم .. لكن مع دخول الشر، حصل اختلال للصفات ديه واتغيرت من كل واحد والتانى، واصبحت الصفات ديه بتعكس مدى درجة الانسان الروحية، فكل ما درجته تعلى، كل ما صفاته ترجع اكتر لطبيعتها واصلا ...
يعنى باختصار شديد: تنوع الصفات = تنوع الشرور
وآسف للاطالة