السلام والنعمة ليكم يا اخواتى
با ختصار انا النهاردة اتظلمت فى الشغل
انا شغال مندوب معمل اسنان بحاسب الدكاترة و اجيب شغل و اودى الشغل اللى خلص
و النهاردة اتهمت انى اخدت حساب من دكتور ولم اوردة
طبعا الكلام دة مش مظبوط حبيت افهم صاحب الشغل
وقلت لصاحب الشغل اواجهة الممرضة اللى بتقول الكلام دة لانى فعلا لم اخذ منها اى فلوس او حساب على شغل وحصل لكن تفتكروا اللى حصل اية بجاحة هى والدكتور
بتاعها يدافع عنها على رأى المثل يعملوها ويخيلوا و الحرامى عينة بجحة
وصاحب الشغل اتخلى عنى عشان مصلحتة وعلاقتة بالدكتور تفضل
وبقيت انا المتهم او زى ما قالوا الفلوس وقعت او اتسرقت مع العلم انى متاكد لم اخذ مليم من الاساس
ولو على الامانة موصل مبالغ ضخمة تفوق اضعاف هذا المبلغ
وحتى المبالغ الصغيرة جدا كنت فيها بمنهى الامانة مع صاحب الشغل وهو عارف دة
بس اللى حازز فى نفسى لية ربنا سمح بكدة