اففففففف ولله زهقت بجد
ياعنى ايه انى ابقى عايش فى بيئه لا اهل ولا اصحاب ولا اخوات فاهمنى..
اتربيت على الشده من صغرى مش قسوة بس انا اكبر اخواتى وفى عدم وجود والدى يبقى انا كبير البيت...
ماشى انا ماعترضتش وشلت حمول ماحدش يستحملها بس هل معنى كده انى اصبحت شخص عديم الاحساس مثلا. ماينفعش اضعف ماينفعش انجرح ماينفعش ازعل ماينفعش حتى انى احس??...لا كل ده بيحصل وماحدش واخد باله.. خلاص هما فاكرنى سوبر مان او الرجل الالى عديم الشعور.
حتى اصحابى لما اتدايق او ازعل من حاجه او اكون فى مشكله ادور عليهم ابقى محتاج انى اعد مع حد افضفض ولو حتى الشخص اللى باحكيله مش هايعرف يحل مشكلتى بس يكفينى كلمه معلش هل ده طلب مستحيل مثلا؟؟؟
بس ازاااااااى ماينفعش ده مايكل هو مايكل فى حاجه تقدر عليه ؟؟
اه فيه. وكتير بس مين يسمع
ابقى مخنوق واقول روح يابنى لفلان او علان اعد معاه ريح بالك وقبل ما احكيله الاقيه بيقولى الحقنى انا واقع فى مشكله ومش عارف ليها حل..انسى نفسى واقوله فى ايه ونعد ونحل ونجيب ناس ودماغى هاتنفجر بس لا ماينفعش انى انسحب ده صاحبى ومحتاجنى ...طب وانا؟؟؟
انا عادى اهو هم فوق هم + هموم واعد اقول لنفسى مش مشكله دانت مايكل اللى الناس بتقول عليك دماغك كبيره وعاقل والغريبه انى اقتنع وانا عارف انى باضحك على نفسى واقول اهو احسن ماحد يضحك عليا......
عارف ان فيه ناس ممكن تقول عليا هايف وعايز اعيش حياه هايفه بس لا..
انا كل اللى انا عايزه ان الناس اللى معايه يعرفو انى انسان ممكن يغلط ممكن يضعف و ساعات بيحتاج حد يقف جنبه...
ولله بجد باحس انى عندى انفصام فى الشخصيه...
الرجل زو القناع الحديدى بره مع الناس ... وانسان بيمتلك مشاعر واحاسيس و اضعف مما يتخيل الكل فى غرفتى مع نفسى...
ازاى اكون حاسس انى لوحدى ماليش حد وانا اجتماعى جدا ومحبوب لاقصى درجه والناس شايفه وعارفه كده.
طبعا فى حاجات كتير واخرها امبارح حصلت هى اللى خلتنى على وشك الانفجار بس ماينفعش انى اتكلم فيها على المنتدى وانا اسف لو دايقت حد بكلامى ....
بس المحزن والمؤلم ان الصاحب الوحيد اللى سمعنى واتكلمت معاه وقلت اللى شايله من زمن وقرب يخنقنى ومن تقله عليا.. الصاحب الوحيد هو موضوع فى صفحه على النت.......