رد: مشكلة ثلاث أطفال
كُتب : [ 11-25-2012
- 02:03 PM
]
دة مفيش احلى من لهجة المتشرد دة هههههههههههه
بكلمك بجد بأمانة مش بهزر .. بص يا يوسف
اولا لهجة اليأس دى متنفعش مع الخادم فى خدمتة وخصوصا مع الاطفال
انت عنوان موضوعك مشكلة 3 اطفال ..... اطفال يا يوسف يعنى طلعوا ولا نزلوا اطفال
انت هتتعب شوية معاة دة صحيح انت عاوز شغل وصبر ومحبة
طيب اقولك حاجة تانية ومتزعلش منى وطبعا احنا خدام مصلحتنا الخدمة والمخدومين وهدفنا واحد
انا بشوف الخدام بيتعاملوا مع الاولاد بعنف وشدة لان الاولاد عادا بيكونوا اشقياء عن البنات بكتير
بس يعلم ربنا انا لو اتكلمت معاهم وجربت اهديهم مثلا فى الخدمة بيسمعوا كلامى مهما كانوا اشقياء لانهم بيحسوا انى بعاملهم بالراحة واحترم شخصيتهم
يوسف انا اسفة اقولك المشكلة فى الخدام مش المخدومين .... طيب جرب يبقى معاك خادمة وتتابعوا الطفل دة واحدة واحدة بعيد عن الخدمة وترحولة البيت .... حملة مسئولية فى الخدمة يكون مسئول عن حاجة معينة تشغلة عن التشرد والشقاوة والعناد
الاطفال الشقية والعنيدة واللى مسببة ازعاج للخدام دى هما اللى طلعوا شمامسة وخدام دلوقتى ولما بيشفونى بيجوا يسلموا عليا ببقى فرحانة بيهم اوى
طول بالك يا يوسف واوعى المخدوم يشوفك فى حالة غضب او صوت عالى او نرفزة او او او لان دة هيخليهم يزيدوا
مرة دكتور بيتكلم عن عناد الاطفال بيقول الطفل لما بيشوف ماما متنرفزة بيقول فى نفسة بقى انا الصغير اوى كدة قدرت اخلى ماما الكبيرة دى كلها تتنرفز بيعتبرها شطارة ويتعمد يستفزها
متدولوش الفرصة دى ابدا الخادم الشاطر هو الخادم الهادى اللى ينزل لمستوى الطفل
|