مشكلة حب البنات
مشكله كبيره
فعلا
هى بصراحة
حاله
البنات دايما بتدور عليها
++
مفيش أجمل من شعور الإنسان بالدفء في أبرد أيام الشتاء، وببهجة الربيع في قلب الخريف، وبأنغام رقيقة حالمة وسط صخَب الحياة وضجيجها ومتاعبها وهمومها
مفيش أحلى من إنك تشوفى نفسك مَلِكة متوَّجة على قلب رجل ، رغم أنك إنسانة عادية في بيتك و بين أقرانك!!!
ومفيش أروع من انك تحظَي باهتمامٍ خاص، رغم أنك لا تحصلين على اهتمام ٍ يُذكر بين إخوانك وأهلك وأقاربك!!!
ومفيش أعذب من انك تسمعي عن نفسك أحاديث جياشة ... بينما لا يرى فيك والديكِ سوى عيوبك ونقائصك!!!!
++
ومهم جدا نعرف ان الحب بيتقسم لثلاثه مراحل
اول مرحله :
الحب بيكون فيها لسه صغير الواحد مش متأكد من اللى قدامه
هو ده حب ولا اعجاب مش عارفه..حيره..شك
المرحله التانيه :
انا متاكده ان ده حب
حاله هَيَمان بقى
وحب جامد سرحان عينيكوا مش بتتشال من على بعض
ممكن تقعدوا بالساعات ساكتين وبتبصوا لبعض بس
ودى بتبقى اعلى حالات الحب اللى ممكن توصلولها دلوقتى قبل الجواز يعنى
المرحله الثالثه :
بيهدى الحب الجامد ده اوى طبعا ده لو كان ده حب بجد اصلا
وبتبدئوا تفكروا ازاى هنحضر لبكره
يعنى تفكروا تستقروا وتفتحوا بيت وتكونوا مع بعض على طول
حلو !!!
لا مش حلو
ليه ؟؟؟
فيه بنات كتير جدا مابتستحملش المرحله التالته وبتضيع من ايديها ساعات حب حقيقى
وفى بنات بتقضى طول عمرها بتدور على المرحله التانيه دى
يعنى تقعد تحب من واحد لواحد كل مالمرحله التانيه تخلص تحس ان خلاص هى مش بتحب
لا يابنات
خلوا بالكوا
لو حب حقيقى عمره ماهيكون زى المرحله التانيه على طول
الحب بيطور نفسه وبيتغير مع الوقت
المرحله التالته دى اصعب مرحله فى الحب كله
لو عديتوها بسلام هتوصلوا لحاله من الاستقرار النفسى بعد كده
بعد الجواز ان شاء الله
وأوعوا تقعدوا طول حياتكوا تجروا ورا المرحله التانيه
وابقوا اعزمونى فى الفرح بقى