أسمعى يا بلادى
أسمعى يا بلادى وأفتحى ودنك أنا مش عايز اكون تانى ابنك
بعد ما دمى سال وفى حضنك
أنل مش باقى خلاص على ارضك
...............
أرضك اللى حامتها بدمى
وكنت بعالى واقولك امى
وانده ليكى وافتح حضنى
بس لاقيتك زايدة فى همى
...............
همى كتمته فى قلبى سنين
يوم ورا يوم ونقول عايشين
حسى قلوب مليانة انين
أو عاملينا كبنى آدمين
................
بنى آدمين وفرحة عيد
تسمع صرخة أم شهيد
خرموا جسمه رصاص وحديد
وادى شهدائنا..وادى أكفاننا..شايفين بتزيد
.......................
بتزيد حوادثنا..وتزيد كوارثنا..وتبريرها سخيف
حرق كنايس..بس الجانى نظام ورئيس
ويقول عدت خلصت وبلاش افورة فى الاحاسيس
وعايز تفتح صفحة جديدة ؟؟؟؟!!!!
بس انا اسف دا مافيش كراريس
....................
كراريس وكتب دى حكايتى معاك
وعدت وقولت انا هبقى حماك
بس لاقيتك جاى شايلى سلاح فتاك
فاكر انى هاجرى واركع واترجاك
...............
لأ غلطان
.................
اترجاك واعيش فى بلادى؟؟؟؟؟؟؟
طب داأنا هادى وعمرى ماأعادى
وف يوم جيت بالحق انادى
قتلتوا ولادى..وجاى تقولى انى البادى
.................
باديت بالظلم انا ولا الحرق
خرجت انادى بعدل وحق
بس سمعتك بتقول لأ
لاعايزنى اعيش ولا قلبى يدق
.............
قلبى يدق بنار وشرارة
مليان حزن وكلى مرارة
بس انا لسة عايز حقى
ولو ترجمنى بطوب وحجارة
...........
حجارة ورصاص ماخلاص مش فرقة
بكيت عينى وقلبى بحرقة
بس انا ليه معارفى الواصلة
وعمر صلاتى ما كانت خارصة
...........
وليه انا حق بقاله كتير
مش فارقة معايا رئيس ومشير
وأوعى تفكر انى كسير
يابنى انا اصلا أصلى أمير
.........
امير وابويا ملك جبار
وقادر يحمينى من الاشرار
أو يرمى اعدائى فى مرار
شايفك مستغرب أو محتار
...........
محتار فى ثباتى ولا فى حالى
أطلقت سهام للسما بصلاتى
وبسرعة هيوصل رد الهى
ومايقدر يسمع تانى آهاتى
...........
آهات ودموع ...ما انت معذور
ما أقريت فى تاريخ ولا عصور
روح دور فى اصول و جذور
هتلاقى كنيستى اساسها صخور
لايأثر فيها موج وبحور
وعمرك ماهتفهم ؟؟؟؟
إن ابويا رب النور
:::::::::::::::::::::::::::::::::::::::::::::::::