يا تري انت عارف ان يوحنا المعمدان الملك طلب قتلة مثل باقي الاطفال دون سنتين ولما زكريا خدة يخبية في الهيكل وربنا رتب انقاذة والملايكة خطفت يوحنا المعمدان وطارت بية الي البرية وعاش عمرة كلة لغاية 30 سنة في البرية وكان طعامة جرادا وعسلا ولبسة وبر الابل
طيب تعرف ان زكريا قتل علي يد عساكر الملك لانة اعتبروة هرب ابنة
طيب تعرف ان يوحنا اكبر من يسوع بستة شهور
تعرفوا لما نتأمل في حياة القديس يوحنا المعمدان نلاقي انة راهب وبتول وناسك ومتعبد طول حياتة
حجات جميلة جدا في
شخصية القديس يوحنا المعمدان
تستحق التامل
فيها والوقوف عندها
اولا اتضاعة
ثانيا امانتة في شهادة لمخلصنا بقولة انة ميستحقش انة يحل سيور حذائة وانة ينبغي ان ينقص ويسوع يزيد
وشهادتة انة صاحب العريس وليس العريس
ثالثا خدمتة الرائعة
خدمة عظيمة لغاية الشهادة والموت
يمكن الكثيرين منا بيخدموا لكن الموضوع لو جة فية اذية او شيء من اضطهادات الغير مؤمنين بيخاف ويستخبي
يوحنا وقف في وجة الملك وصرخ بكلمة الحق ومخافش حتي الشهادة
تعالي نسال نفسنا انا وانت يا تري احنا امناء في خدمتنا زي يوحنا ؟
يا تري بنقول كلمة الحق حتي لو هنموت ؟
يا تري فعلا مستعدين نقدم ارواحنا في سبيل خدمتنا ولا لسة متعلقين بحجات ارضية ؟
رابعا انكار الذات
يوحنا المعمدان كان لة تلاميذ ولما جة الرب يسوع التلاميذ دول راحوا تبعوا الرب يسوع
يوحنا مزعلش بل بالعكس فرح جدا لانه هذا الصواب
وقال كتير جمل تعبر ان المسيح هو اللة
لما قال لهم انتوا فاكريني جاي افك بدال الولي ابدا هو الولي وانا مش جاي افك بدالة دنا مش في مكانتة ابدا
طيب عارف ان كتير من المهرطقين قالوا ان يوحنا اعظم من السيد المسيح وبشهادة المسيح لما قال علية انة اعظم مواليد النساء وقالوا مهو المسيح كمان من مواليد النساء
طبعا دة غلط خالص لانة الرب بعدها قال ولكن الاصغر منة اعظم بملكوت السموات
طيب تعرف ان كبار القوم في وقتة كانوا بيتكبروا ويشوفوا يوحنا انة حد فقير ولبسة بسيط ويقولوا مين دة اللي نروح ونتعمد علي ايدة
ودي حاجة تعلمني انا وانت ان الكبرياء بيمنع كتير من البركة والنعمة
واحد بس منهم اللي راح ليوحنا وهو نيقوديموس وكمان ذهب ليلاً لانة خجلان انهم يقولوا انة راح يتعلم ويعتمد من يوحنا
ومن البركة اللي اخدها وتعليمة من يوحنا فهم واشترك في تكفين الرب يسوع وكمان قال عنة شهادة جيدة اثناء المحاكمة
عارف القاب يوحنا المعمدان
صوت صارخ
اعظم مواليد النساء
السابق
الصابغ
صاحب العريس
اصحابي دة تاملي البسيط في حياة العظيم يوحنا المعمدان
طبعا اكيد فية نقاط فيتاني
اللي يحب يزود منكم عن الحجات الجميلة اللي في شخص القديس يوحنا المعمدان يتفضل
سلام المسيح في حياتكم