رد: ما مدى تاثير الجرح فى حياتنا؟
كُتب : [ 12-16-2009
- 11:39 PM
]
الموضوع ع اد مافهمته انه بيتكم فى مشكله تعدي الاخرين ع مشاعرنا او عدم احترمهم لينا
موضوع معتاد يمكن وبيحصل كتير
بس انا عاوز اوضح نقطتين
الاول الانسان بيكون حساس لمشاعره اوي لو حد قربلها .. و مش بيعمل حساب لمشاعر الناس التانيه او حتى يهمتم بيها او يراعيها او يحترمها
وسعات الانسان يختلق الاحساس بأنه مجروح او يكون حساس بشكل زائد جدا عن الحد ....يحس بالجرح من غير سبب كافي لكده ...لأن الشعور بأنه مجروح بيكون أحسن من شعور تانى زي الشعور بالعجز او الفشل مثلا ...
تانى حاجه : الاحساس انك جرحت حد او سببت ألم لحد ده احساس صعب ومش سهل
احساس متعب جدا يمكن بيسبب تعب للجارح اكتر من المجروح ... ده طبعا عند الناس الى بتحس 
فأحنا محتاجين تقدير كويس لتصرفات الناس
محتاجين نفهم الناس وظروفهم صح
محتاجين نتوقع ونظن اسباب بريئه لتصرفات الناس
ومحتاجين اننا نعرف ان فى اخر وليه مشاعر وليه احاسيس .. وان كان هو مش بينادي بيها فده مش معناه انها خامله عنده او انه معندهوش مشاعر
محتاين نهتم بالاخر وتوقع رد فعله ورد فعل مشاعره للتصرفات الي بنعملها
موضوعك حلو خالص يا ماريان وبدايه جميله جدا وانا اسف ع ردي الطويل اوي ده - وتم النقل للقسم المناسب
|