بما ان القسم ده للكلام في الممنوع يبقي اتكلم معاكم براحتي مع اني عارف مسبقا اني هتهاجم منكم ويمكن محش يوافقني في رايي بس ياريت الموضوع ينزل عشان الناس تدافع لو انا غلط
موضوعي بيخص القسم ده لاني عاوز اتكلم عن المعاشرة بين الزوجين اثناء الصيامات طبعا الراي السائد بيقول انه غلط ان تتم المعاشرات اثناء الاصوام طب انا عاوز اسال سؤال اولا ليه حرام المعاشرة اثناء الاصوام هل هي فعل غلط لا طبعا هل عشان الشهوة برده الشهوة دي مش خطية علي الاطلاق طب ليه ممكن حد يرد ويقول لي ان في اية لبولس الرسول بتتكلم في الموضوع ده بالذات ومع صراحة النص لايجوز الاجتهاد طيب ماشي احنا عندنا كام يوم صيام كتير قوي قوي اكتر من نص السنة بكتير
طب وهل يعقل ان انسان بشري يمتنع عن امراته كل الفترة دي طب يعمل ايه ميصومش بقي ولا يصوم وبعد كدة يحس انه بيعمل خطية ويتعب
طيب برده ايه العمل لو واحد من الاتنين موافق والتاني لا هيحصل هتحصل مشاكل وممكن كمان تبقي مصايب طب الحل فين بقي ميصوموش هما الاتنين ولما يعملوا ايه يحسوا ان اللي بينهم حرام مع انهم اتقدسوا امام المذبح
انا مع جدا ان الانسان ميعاشرش امراته قبل القداس وده شيء مفروغ منه وانا مقتنع بيه جدا ع الاقل عشان الذهن يكون صافي لربنا
عامة ياجماعة انا اللي شايفه قلته ومستني اعتراضتكم عليا ويارب مكون زعلت حد يالله مين اول واحد هيعارضني