كُتب : [ 07-30-2011 - 12:17 PM ]
مساء الفل علي احلي اعضاء اهلا وسهلا بيكم في لقاء حلقتنا رقم (31) من برنامج الوجه الاخر حلقتنا النهاردة مع العضوة رفقة شحات مجدي:- اسمك؟ سنك؟ بلدك؟ شفيعك؟ رفقة:-اسمى: رفقة سنى: 19 سنة محافظتي: السويس شفيعى : العدرا مريم والبابا كيرلس نهي: - رفقة اوصفلنا شخصيتك؟ رفقة:-طيبه ومش بحب ازعل من حد او ازعل حد منى ومرحه وبحب الضحك جدا وبحب اكون صداقات مجدي:- ايه هو هدف رفقة في الحياة؟ رفقة:- هدفى انى ارضى ربنا طبعا نهي:- هل رفقة عصبية؟ رفقة:- احيانااااااا مجدي:- مترددة؟ رفقة:- كتير نهي:- رفقة بتحسى انى ليك وجه اخر ولا هو وجه واحد؟ رفقة:- هو وجه واحد .. لانى بكره فى حياتى اللى يكون له وجهين مجدي:- امتى تحسى بالظلم؟ رفقة:- لما الاقى اقرب الناس ليا جرحنى اوى وبيتكلم عليا من ورايا من غير ما اكون عملت له حاجه وحشه نهي:- هل دموعك قريبة؟ رفقة:- قريبه جداااااا مجدي:- سهل اى حد يشوف دموعك؟ رفقة:- مش كل الناس ...بس اكتر واحده بتشوف دموعى هما اقرب الناس ليا بس نهي:- ايه هو حلم حياتك اللى نفسك تحققيه؟ رفقة:- انى طبعا ارضى ربنا فى كل شئ ومزعلوش منى وانى احاول اغير نفسى من اى حاجه وحشه بعملها لكن حلم حياتى عامه انى ارضى اى حد بيحبى ويحترمنى مجدي:- امتى تحسى بالضعف؟ رفقة:- لوحد زعل منى نهي:- لما بتحسي بالضيق بتعملى ايه؟ رفقة:- طبعا بلجأ لربنا وبتكلم معاه وبكلم صديقتى واحكى لها وبلاقى الكلام اللى ربنا عايز يوصله ليا بيكون على لسان صديقتى مجدي:- هل انتى خادمة؟ رفقة:- لا لسه نهي:- لو خدمتي هيكون ايه هدفك من خدمتك؟ رفقة:- لوكنت خادمه هدفى طبعا انى اوصل كلمه ربنا للمخدومين وللناس ولنفسى الضعيفه مجدي:- رفقة ازاى اتعرفتى على منتدى ارثوذكس؟ رفقة:- بعد ما خلصت ثانويه عامه اخويا هو اللى عرفنى على المنتدى وورانى بعض موضوعاته الشيقه والرائعه طبعا اسرعت فى المشاركه فيه نهي:- ايه اللى شدك للمنتدى؟ رفقة:- حاجات كتير اوى شدتنى فى المنتدى وهو المنتدى الوحيد اللى مشتركه فيه لانى لاقيه فى حاجات كتير اوى شدنى موضوعاته فى كل المجالات وطبعا الاعضاء والاصدقاء اللى فيه محبوبين ومحبين مجدي:- ايه هى ايجابيات المنتدى؟ رفقة:- ايجابيات كتير منها زى ما قلت موضوعاته الشامله فى كل فروع المعرفه الدينيه والعلميه والثقافيه وكمان الاعضاء اللى بيحبوا بعض وبيخافوا على بعض وبيسالوا على بعض دايما لو حد مش موجود بقاله فترة نهي:- وايه هى سلبيات المنتدى؟ رفقة:- بصراحه مش لاقيه اى سلبيات فى المنتدى مجدي:- ايه اللى حاسة انه ناقص في ارثوذكس ونفسك يكمل؟ رفقة:- ولا حاجه نهي:- رفقة مريتى بتجربة حب قبل كده؟ رفقة:- لا لسه مجدي:- ليكى اصحاب كتير؟ رفقة:- ليا كتير الحمد الله نهي:- اصحابك بيقولوا عنك ايه؟ رفقة:- بيقولوا انى طيبه ومجنونه شويه وبحب الهزار والضحك مجدي:- ايه رايك في الصداقة بين البنت والولد؟ رفقة:- لو فى حدود الصداقه البريئه والاحترام وخوفهم من ربنا اكتر من اى شئ طبعا هتبقى حلوة غير كدا لا طبعا نهي:- ليه مشاركاتك فى المنتدى قليلة؟ رفقة:- لانى احيانا مش بدخل كتير ولانى بحب قراءه الموضوعات والاستفاده منها اكتر مجدي:- ايه اكتر اقسام المنتدى بتحبيها؟ رفقة:- الموضوعات الشبابيه _ المناقشات العلميه والثقافيه واقسام تانيه نهي:- مين اقرب شخص ليكى فالدنيا؟ رفقة:- مامتى _ وصديقتى الانتيم مجدي:- ومين اللى يصعب عليكى زعله؟ رفقة:- ماما اكتر واحده نهي:- ايه رايك فالاحدث اللى بتدور حوالينا؟ رفقة:- طبعا التغيير مطلوب واننا نكون فى عصر الحريه والديمقراطيه بس لما نغير ونتغير لازم يكون للاحسن مش للاسوء وكمان نخاف على بعض مش نخاف ونخوف بعض .. يعنى انا شايفه ان الاحداث الحاليه بما انها حلوة فى التغيير وبس سيئه من جهه الخراب فى كل حاجه مجدي:- تتمنى يه لمصر الايام للى جاية؟ رفقة:- اتمنى انها تكون فى ازهى عصورها واقوى واحسن حالتها وانها تكون افضل بكتير من اى عصر سبق نهي:- وشايفه اللى جاى ازاى؟ رفقة:- بصراحه مش قادره احدد اللى جاى ازاى لان دا الله اللى يعلمه وكمان بسبب كتر التصريحات والاحداث اللى تحير مجدي:- مين اقرب اعضاء ليكى فى المنتدي؟ رفقة:- اعضاء كتير لانى بحس ان فى كتير منهم اصحابى ودايما بيسالوا عليا فصعب انى اذكر او احدد حد باسمه نهي:- تدى الالقاب دى ل مين الطيب الجدع المثقف النشيط الكسول المرح رفقة:- الطيب كل اعضاء المنتدى الجدع tito Best المثقف كتيرررر النشيط magdy totti لكسول محدش المرح micky مجدي:- تقولى ايه ل منتدى ارثوذكس؟ رفقة:- طبعا اشكره جدا جدا على هذا المنتدى الاكتر من رائع لان فيه اجتمع ناس واعضاء واصحاب اكتر من رائعين ومحبوبين ومتحابين واحساسهم واهتمامهم بيبقى واضح نهي:- تقولى ايه لبرنامجنا؟ رفقة:- اقول انه برنامج جميل جدا جدا وربنا يعوض تعب محبتكوا ويباركوا .. فيه بنتعرف على االاعضاء وربنا يزيدكوا تالق ونشاط واشكركوا جدا جدا على استضافتكوا ليا اللى انا مستحقهاش لان فى اعضاء كتير افضل واحسن منى هما الاحق بالاستضافه دى لا ياقمر اكيد انتى عضوة قريبة من قلوبنا وكنا مبسوطين جدا بوجودك معانا ونتمنى لك كل التوفيق في حياتك انتظرونا فالحلقة القادمة من برنامج الوجه الاخر مع تحيات totit zaza المصدر: †† ارثوذكس †† - من قسم: البرامج والخروجات الخاصة بالاعضاء