في الاول عايزه اشكركم جدا علي ردودكم اللي هي بجد مريحه
انا كتبت الموضوع ده وانا في غاية الغضب علي نفسي
وعامله ثوره عليها لان حالها مش عاجبني
ورغم ان كلامك جميل لكن للاسف انتوا مش جاوبتوني علي اللي انا عايزاه
_ انا دلوقتي قايمه ومش ساقطه تايبه ومش خاطيه
لكني مرعوبه وهاموت من الخوف من الفشل خايفه اسقط تاني في العاده الزفت دي
_انا اعترفت بيها لابونا ومش هااقدر وصدقوني حاولت كتير وحاولت اكتب له ورقه بس مش قدرت خالص
_ انا بتناول واحضر القداس علي الاقل مرتين او تلاته في الاسبوع علشان مش ادي نفسي فرصه اقع تاني
لكن ده تاعبني لاني بتناول من غير مااعترف
_حاسه اني اخطي حد في الدنيا اخطي الخطاه انا خطيتي اسوا حاجه ممكن البنت تعملها (العاده السريه)
_انا حاسه اني عندي انقسام في الشخصيه او علي الاقل عايشه حياه متناقضه
احياه حابه فيها ربنا جدااااااااا ومليانه خير وصلاه انا علي الاقل بكلم ربنا مرتين تلاته في اليوم
وبحبه خالص وحاسه كمان اني ليا داله خاصه عنده اي حاجه اطلبها منه مش بيتاخر عني وكمان بحب اتكلم كتير عن حبه وحنانه دايما بس مش عارفه بعمل كده ليه بجد مش عارفه انا بكره الخطيه ومش بحبها بس ليه بعمل كده معرفش
المهم الشخصيه التانيه بقي دي اللي تعباني خاطيه بتمارس اتلعاده الزفت وضعيفه لدرجة انها مش قادره تعترف بيها



اخواتي معلش استحملوني اني بقولكم اخواتي لاني بجد مش بعرف اتكلم مع حد ادكم
انا امبارح بعد ما قرايت ردودكم جريت واترميت تحت اقدام ربنا وبدموع كتيره طلبت منه يسامحني
وقولت له انا عارفه انك مسامحني بس عايزه احس ده لو سمحت يارب
حاسسني ده
وبصيت للقديسين اللي بحبه وقولت لهم حسسوني انكم حاسين بيها ولسه بتحبوني وفضلت اعيط كتير جدا
وناديت قديسين بحبهم منهم القديس العظيم البابا كيرلس السادس
ونمت وانا دموعي علي خدي
وحلما اني في بيتنا وداخله الاوضه عندي الاقي البابا كيرلس واقف وبصلي وابتسم ورشم عليا الصليب كذا مره
انا مع ضعف ايماني صوت وخرجت اعيط ومنهاره ولقيت اب اعترافي عندي في البيت فقالي مالك يابنتي
حكيت له علي اللي حصل وقالي في حد يخاف من البابا كيرلس مااحنا كلنا شوفنا وكنا متوقعين انك تشوفيه
المهم راح صلي لي وحط الصليب المقدس علي راسي وبعدين راح نفخ فيا زي مابيقرا لي التحليل
فقومت مجدت ربنا وشكرت البابا كيرلس وحسيت بتعزيه كبيره
ودخلت اهو علشان اشكركم واحكي لكم اللي حصل واعرف ردكم
انا اسفه طولت عليكم وارجوكم انا اللي محتاجه صلاتكم كتير
صلوا لاجلي وشكرا لكل اللي له تعب معانا هنا ربنا يعوضكم