رد: !!!!!!!!!!
كُتب : [ 03-23-2009
- 12:17 PM
]
يعني بالذمة واحدة ظهر ليها في الحلم البابا كيرلس ورشم عليها الصليب وطمنها ... يبقي عايزة إيه تاني
الحلم ده أكيد تعزية من عند ربنا علشان يوريكي إنتي أد إيه مهمة عنده وأد إية هو بيحبك
أرجوكي صليلي علشان يظهرلي البابا كيرلس مرة واحدة في حياتي
وصليلي كمان إني ما أصوتش وأرمي نفسي من البلكونة علشان أنا إيماني أضعف منك بكتيييييييييييييييير
بس لازم تعترفي بالخطية مهما كانت كبيرة أو صغيرة " إن إعترفتم بخطاياكم فهو أمين وعادل حتي يغفرها لكم "
علي فكرة أنا كنت بروح لأبونا كل أسبوعين لأنة كان دايماً يقولي هو العربية لما البنزين بتاعها بيخلص بتعمل إية ، لازم تيجي تأخذ شحنة تانية علشان تقدر تكمل المشوار وأول لما تيجي الشحنة " البنزين " يخلص ترجع تاني تغير زيت وتأخذ شحنة تانية
كان في راهب كل شوية الشيطان يحاربه بخطية الشهوة ويقع في الخطية ويقوم بعد كدة يصلي كل يوم يحصل كدة لغاية لما الشيطان زهأ منه وراح ظهر له وقال له إنت مابتزهأش من الصلاة فهمني إنت إزاي توري وشك لربنا وكل يوم بتقع في الخطية
راح رد القديس علي الشيطان وقال له إنت ماسك مرزبه " عصاية أو شومة " وأنا ماسك مرزبة إنت تضرب وأنا بضرب وهنشوف مين فينا اللي هيزهأ
ويقال من ساعتها الشيطان ماحاربوش بالخطية دي تاني
إوعي تحرجي من وقوفك أمام الله والإعتراف لأن ده هدف الشيطان وإوعي يوم تيأسي ... لأن يأسك معناه إنتصار الشيطان علي أولاد اللي
بزمتك يرضيكي الشيطان إبن الـ ..... ينتصر علي ولاد ربنا اللي فداهم بدمه الطاهر علي عود الصليب
أنا آسف إني طولت عليكي جداً
وربنا معاكي
ماجد
|