[emmmy]

اولا : احب قبل اى حاجة انى اقدم اعتزارى لاستاذ ايمن على طريقتى معاة
لانها كانت سخيفة شوية
وكانت بطريقة منفعلة وهقولكم لية -- بس الاول انا اسفة يا مستر حقيقى اسفة معلش حقك عليا انا واثقة من اتساع صدرك وعارفة كمان انك مش زعلان صدقنى - انا اللى زعلانة من نفسى بجد

ثانيا : سبب نقطة الاختلاف او مش اختلاف اوى يعنى لكن سبب موقفى اللى يمكن يكون غريب وخصوصا مع استاذ ايمن - - هو
ان انا مركزة فى حالة معينة وبتكلم عنها بحسن نية معاكم عشان اسمع اراء وحلول بسيطة منكم داخل نطاق المشكلة وفى حدودها اللى يعتبر بسيط الى حد الما وعشان اعرف المشكلة موجودة كتير وفى اماكن تانية غير عندى ولا ! لأ - انا كأنى بقولة الموضوع اللى بتكلم عنة ميستهلش كل دة ميستهلش اننا ندخل الاسقف او نلجأ لقوانين الكنيسة ونحاول ننفذها
لكن استاذ ايمن بيتكلم بشكل عام عن اوضاع عامة وعن ضعف بشرى بشكل عام بدليل انة مش يعرف اصلا انا بتكلم عن مين ؟
وعمرة ما وجة كلامة لأحد بصفة خاصة
وضع قوانين الكنيسة عشان احنا نتعرف عليها واللى كتير تقريبا مش يعرف حاجة عن قوانين الكنيسة
استاذ ايمن عندة حق الاباء الكهنة مش معصومين من الخطأ اطلاقا لانهم بشر وتحت الضعف مثلنا تماما
لكن !!!
فى فرق بين لحظة ضعف او حتى نقطة ضعف لاسباب ما وبين ضعف متمادى بعناد - او عثرة ممكن تضيع الرعية والشعب
عاوزين نتكلم بصراحة وجراءة ومحبة وفهم ووعى بس بشكل عام وندى كل حاجة حجمها الطبيعى بلاش تهويل وبلاش استهانة بالمشكلة بحجة الادانة
بصراحة بحس من بعض الناس احيانا انهم ما صدقوا يمسكوا فى سيرة الاباء مش لصحيح اوضاع او حتى للفهم لكن لاسباب شخصية داخلية
انا وضعت الموضوع وانا على اتم الاستعداد لمواجهة الاب اللى اقصدة
بكل الحب والاحترام والتقدير بكل الابوة والبنوة هتكلم معاة واوضحلة الامور دة حقى علية زى ما هو حقة عليا فى امور كتير
والكهنوت على راسى من فوق بس انا هتكلم مع ابونا كأنسان
وبالنسبة لقوانين الكنيسة وكلام استاذ ايمن مفيش مانع نتعلمة عشان نطبقة فى الامور اللى تستاهل زى الامور اللى تمس سلامة الكنيسة وشعبها وايمانا وعقيدتنا -
انا لاحظت انا استاذ ايمن وضع موضوع رائع رائع بيتكلم فية عن ضعف الاباء والانبياء ولية اتذكرت ممكن نشوفة ونتكلم فية لان الكلام هناك هيكون بشكل اوضح وافضل لان محدش هيقدر يقول بتتكلموا عن حد او بتدينوا احد
الموضوع اهو -- رجاء الدخول
لماذا كُتبت خطايا الأتقياء في الكتاب ولماذا تظهر خطية الكثيرين ولا تخفيها الكنيسة