إغــــتــــــالوهــــــا
كُتب : [ 01-05-2011
- 02:30 PM
]
فرحة ميلادك اه صحيح هما اغتالوها - حَطُّو بيننا وبين الفرح الف سور
ليه دموعنا بيفرحو لما يشوفوها - ليه يحاولو يضلمو ولو همس نور
مش هشاور واتهم والوم واعيب - الحقايق واضحة شمس ازاى تغيب
اه بلد ومواطنة مع وقف النفاذ - والطريق عمال يضيق وسكوت كئيب
و السكك مابقتش تعرف ايه سرور
حَطُّو بيننا وبين الفرح الف سور
بس لسه ف يوم ميلادك فيه شموع - فيه صلاه وفيه فرحة بس مكتِّمه
حزن باقى من الفراق وياه دموع - و السما فى عيوننا برضه مغَّيمه
بس لينا فى السما شوف كام شفيع - وان لينا وساطه مش ممكن تضيع
اه الفراق بيسيب علامة بس لينا ناس تصلى لاجل اتعاب الجميع
حتى مش ناس دول خلاص بقوا ف السما
مهما تبقا الفرحة فينا مكتِّمة
حاجه باقية ونفسى اقولها للى كان - حد غالى عليه وراح فوق للسما
لو فراقهم يوجعك ويسيب الالام - افتكر كده انهم فوق و ف هنا
ايوه عايشين وف هنا حلو ونعيم .. لو هتزعل يبقى علشان محرومين
م اللى هما فيه بجد يابختهم .. نفسى كنت اكون ف وسط القديسين
وابقى عايش فوق على طول ف السما
فرحة ميلادك اه اغتالوها
بس فيه فرحة سابوها
غصب عنهم لينا فرحة
وفيه رجاء ف ربنا
3-1-2011 4:30 am
التعديل الأخير تم بواسطة emmmy ; 01-05-2011 الساعة 07:04 PM
|