بسم الأب والأبن والروح القدس اله واحد امين
انا عندي موضوع تعبني ومحتاجة لأرشاد فيه هل عدم الخدمة خطية ومعني اني مش بخدم اني مش يحب المسيح او مش عايزة اعيش معاه انا بس بطبيعتي انطوائية ومش بعرف ادخل وسط الناس واتفاعل واعمل علاقات حاولت ادخل اعداد خدام كذا مرة قبل كدة بس ماكنتش باستريح ومش بعرف اكمل لفاية لما الوقت عدي وبعد كدة حبيت ادخل تاني كان بعد ما اتخرجت لكن كل اللي فيه كانوا في ثانوي وجامعة حاولت اضغط علي نفسي واحاول اتفاعل واعدي المرحلة دي لأني فعلا نفسي من كل قلبي اخدم ربي يسوع المسيح لكن لقيت اللي عقدني وقالي كلمتين اني اتأخرت قوي وعايزة الضرب كمان بعد كدة ماقدرتش اكمل انا عارفة اني الخدمة مهمة علشان انمو روحياً كمان لكن مش عارفة وكتير بيصيني احباط ويأس اني طالما مش بخدم ابقي بنت وحشة وربنا اكيد اكيد مش عايزني واقع في اليأس وابقي مش عارفة اصلي ولا اقرا في الأنجيل واقول مافيش فايدة مع اني بحب الهي جداً جداً ونفسي اعيش معاه واعمل حاجة ترضيه وتفرح قلبه لأني ماليش حد غيره انا لوحدي جداً في الشغل والبيت هو الوحيد اللي بيسمعني انا ابويا مات من زمان قوي وامي كانت لسة حامل فيا انا بحس معاه انه هو ابويا هو الوحيد اللي بيسمعني ويحس بيا ولما ببعد عنه بتعب واحس اني مش عايشة وساعات افكار تجيلي انه بيتهيألي انه بيسمعني وانه هو مش عايزني لأني ماليش قيمة ولا في مني منفعة
ارجوكم حد يرد عليا لأني محتاجة جداً لأرشاد واشكركم لآنكم سمحتولي اقول اللي مضايقني