عرض مشاركة واحدة
بياناتي
 رقم المشاركة : ( 5 )
totty fruity
ارثوذكسي متقدم
رقم العضوية : 73002
تاريخ التسجيل : Aug 2009
مكان الإقامة :
عدد المشاركات : 305
عدد النقاط : 10

totty fruity غير متواجد حالياً

افتراضي رد: ازاي انسي انسان بحبه

كُتب : [ 08-14-2010 - 11:08 AM ]


سلام
فى البدايه بجد عاوزه اقولك انى بجد فرحانه بيكى لانك قولتى لو كنت هموت مش هسيب المسيح
حاجه تانى عاوزه اقولها بس ياريت ماتزعليش
من البدايه ماكنش ينفع تسمحى لنفسك انك يكون صديقك حد مسلم سامحينى لو بتكلم بصراحه
بس عاوزه اقولك انه من الطبيعى لما بنت بتصادق ولد بتتحول الصداقه لحب وده بيحصل كتير
وانتى حطيطى نفسك فى الموقف ده بس مع حد غير مسيحى
لان احنا بطبعنا كبنات مشاعرنا بتسبق عقلنا
وبنتعامل مع اى حد بالمشاعر وبسهوله الولد ممكن يمثل عليكى انه بيحبك وزيك فى الطبع وبالذات ان اكيد هدفه واضح زى ما انتى قولتى بالظبط
لازم تبعدى عنه وعن كل حاجه تفكرك بيه ده اول حاجه تعمليها
الاتصالات قليليها لغاية ماتنتهى خالص
كلام على النت قليليه واظهريله انك مشغوله
حاولى تصلى من قلبك وتصرخى لربنا انه ينقذك وينسيكى الشخص ده
اشغلى وقتك ماتديش لنفسك الوقت اللى تبقى فيه فاضيه علشان تفكرى فيه
لازم تقعدى مع نفسك وتكونى قويه وتبقى عارفه انك انتى والمسيح معاكى فى حرب مع ابليس ولازم تنتصرى وماتخليش ابليس اللى ينتصر عليكى
فكرى كويس ان الحب ده اخرته عذاب لكن ممكن تتعذبى دلوقت فى نسيانك لحب الشخص ده بس ههتتهنى بعدين وربنا هيبعتلك الشخص المناسب اللى يستاهلك كبنت للمسيح
ربنا معاكى
وتأكدى ان ربنا مش هيسيبك بس انتى كمان لازم ماتسبهوش
ربنا يحافظ عليكى
وياريت تبقى تطمنينا عليكى
سلام