ليا اب حنين
ايوه اخترت البعد خلاص
هابعد بعيد عن كل الناس
هرتاح شويه من الألأم
هرتاح ويمكن اقدر انام ..
دوسى يا دنيا وميهمكيش
دوسى مش مهم انى اعيش
خلاص مبقتش تفرق احزان
خلاص القلب مفهوش مكان
مبقتش خايف يحصل ايه
شوفى غيرى أتحدى فيه
مبقاش عندى اى كلام
كل اللى منك شويه أوهام
مبقتش خايف منك اكيد
لانك مش هتلاقى غير التنهيد
حبر القلم خلاص اختفى
هتلاقى انسان كان وانتهى
خلاص يا دنيا مش هسأل تانى
لا هاقول يا حب ولا هاقول أمانى
فيكى ايه راح ابكى عليه
ما عشتك عمرى وانتى خدعانى
كفايه اوى العمر اللى راح
تعبت منك كفايه جراح
انا مش بحبك ومش هاعشلك تانى
انا ليا أب يعيد بنيانى
ليا اب حنين اوى
هاروحله واقوله محتاجلك اوى
هاروحله واقوله اتهد كيانى
هاقوله اتصرف وابنى من تانى