[كيرو رافت]

اولا يا صافى ربنا يرجع ماما ليكى بالسلامه وتشوف الفوضى اللى انتى واخوكى عاملينها فى البيت وبعد كدااااا عمرها ما هاتفكر تسيبكم تانى وتسافر مهما كانت الاسباب

ندخل فى الموضوع

اولا انا سايب موضوع الشغل للزوجه زى ما هيا عايزة لو عايزة تشتغل اوكى ماعنديش ما يمانع
لو عايزة تقعد فى البيت اوكى يا اهلا بالمعارك
وما تتخضوش انى بجيب فى سيرة المعارك
الزوجه العامله على قد كدا مشاكلها قليله عن الزوجة اللى قاعدة فى البيت من ناحيه
الزوجة قاعدة فى البيت زهقانه من القعدة لوحدها كل خمس دقايق تليفون لجوزها انت فين جاى امتى ابقى هات معاك وانت جاى موش عارف ايه والزبادى بتاع العيال
ماما جايه النهارده وهات معاك لحمه
كل خمس دقايق عايزة جوزها يكلمها انتى وحشتينى انتى نور عينى والمفروض عليه يلاقى كلام يقوله لمراته كل ما تتصل والا هاتحس انه اتغير معاها وموش بيحبها
مسكينه لانها بتعانى من فراغ كبير صدقونى انا جربته كتير مع خطيبتى السابقه لما كانت قاعدة فى البيت وسابت الشغل
اما المراه العامله عارفه ظروف الشغل وهاتقدر ظروف جوزها وموش هاتحاول تعكنن عليه او يحاول يعكنن عليها ولما هايكون فيه تليفون بجد هايكون فيه مشاعر حلوة وهايقولها وحشتينى من قلبه
زائد ان الشغل بيوسع من مدارك الزوجه وبيخليها تشوف الدنيا ماشيه ازاى وبالتالى هاتقدر تعلم اولادها وتربيهم كويس وتحاول تبعدهم عن الاشياء الشريرة اللى بتقابلها يعنى بتكون ست مختبرة وشايفه الدنيا
غير اللى بتكون قاعده فى البيت
المراه العامله بتهتم بجمالها وملابسها حتى تكون دائما جميله فى عينى زوجها اكثر من المراه ربه المنزل اللى معظم اهتماماتها الطبيخ والغسيل

واولا واخيرا انا لست ديكتاتوريا وبجد سايب حريه العمل من عدمه الى الزوجه نفسها بشرط انه ما ياثرش على واجباتها المنزليه

ميرسى جدا يا صافى واسف للاطاله
وربنا يرجع ماما بالسلامه واشكريها لانها كانت السبب فى ان احنا نفتح هذا الملف الحيوى جداااااااااااااااا