كل ردودكم جميلة ربنا يعوضكم بس انا عايزة حل عملى
بالنسبة ل.......
لنقوم بثورة على أنفسنا ولا نكف قط
أقوم بثورة إذاى وانا غرقانة فى الخطية
بالنسبة ل........
ربنا يسوع يقيمك بقوة نعمته ، آمني فقط واطلبي اسمه القدوس ، لأنه هو من يغسل القلب ويطهر الضمير ، ولا تخافي لأن هذه الخطية ستنتهي تماماً ، وعلى الأخص بعد الزواج المقدس
انا عايزة أتغير قبل الزواج المقدس مش عايزة الحل يبقى فى الجواز عايزاه لان انا بكره الخطية ومش عايزة أرجع لها ولا عايزة أزعل قلب ألهى حبيبى
كمان عايزة رد لسؤالى ال بيحصل بينى وبين خطيبى هل هو سبب من الأسباب ولا دى مشاعر عادية هل انه يمسك أيدى او يقولى كلام حلو ده غلط وال بحس بيه غلط
كمان بالنسبة لأب الأعتراف هل ممكن فعلا يهننى ويجرحنى ولا ممكن ألاقى اب اعتراف تانى حنين زى أبويه الله ينيح نفسه؟
هل انا محتاجة طبطبة ولا محتاجة تعنيف؟؟؟؟؟؟
هل ممكن أبدأ من جديد؟؟؟؟؟؟؟ كمان هل ربنا لسه بيحبنى؟؟؟؟؟ وعنده أمل فيه
هل معتبرنى من الخرفان الضالة ال بيدور عليها ولا من الخنازير ال مفيش رجا فيها
حاسة انه زعلان منى اوى اوى حتى الأنجيل مش قادرة امسكه
كمان محتاجة مشورة صحية هل فى دكتور او دكتورة موجودين ع المنتدى يدونى المشورة والعلاج
بالنسبة لحلول الصلاة والصوم والكلام الحلو ده اللى بتمنى انفذه ده محتاج معونة ألهية وعزيمة وانا معنديش الأتنين
رجاء الأهتمام
والصلاة من أجلى عايزة أبقى معاكم مش عايزاه يقولى أبعدوا عنى يا أشرار لا أعرفك