[سيف الاسلام]

جميل اوي التوبيك يا سندريلا

وانا مقدرش اقول ان مفيش حب بعد الجواز .. لاني مش كل الناس زي بعضها
لكن اللي اقدر اقوله .. ان لو في حب بعد الجواز .. مش هيكون بنفس درجة الحب اللي بيعيشها اي اتنين قبل الارتباط

يعني اسمي وارقي المشاعر .. بتكون بين اتنين مش بتربطهم اي علاقه الا انهم حابين يكونوا مع بعض .. ومش مجبرين كل يوم انهم يشوفوا بعض او يتكلموا مع بعض او يكونوا مع بعض
لا دول بيربطهم الحب .. " لما يكون بجد "

لكن في ناس بتتجوز من غير ما تكون في بينهم علاقه حب " جواز الصالونات " المشهور اوي في مصر .. ودا بيبدأو يتعرفوا علي بعض اصلا بعد ما يتجوزوا ..

وبعد فترة مش بيلاقوا في بينهم تفاهم .. لانهم مش قربوا من بعض .. وجربوا اذا كانوا هيتفاهموا او لا .. ومستحيل يتوجد الحب ... وسط الخلافات

فصعب نلاقي حب بالمعني المعروف بعد الجواز ...

والرأي اللي بيقول انه لازم يحبها عشان يخاف عليها وكده

علشان هيكون الزوج مسئول عن مراته مسؤليه كاااااااااامله غير لما كانوا مخطوبين

لا طبعا مش صحيح مع احترامي لرائيك
لانه ساعتها مش هيكون ادامه اختيار الا انه يعمل كده
لانه صعب اوي يكون حد خاطب او متجوز ومش بيخاف علي البنت اللي معاه او مش هيبقي مسئول عنها
لان الحب مش اجبار ..
بس ممكن نقول ان اللي بعد الحب .. هو نوع من الرضا بالمقسوم زي ما بيقولوا وانه مفيش ادامك الا ده ... يعني لو محبتهوش .. مش هتقدر تكرهه ..
وبتتحمل علي نفسك وتتعايش مع الموقف والا هتتحط في مليون مشكلة
ومع مرور الوقت .. بتلاقي نفسك مش قادر تستغني عن اللي معاك ..
مش حب بمعني الحب .. بس تعود وروتين حياه
موضوع جميل بجد يا سندريلا
ومحتاج كلام كتير اوي
وسوري للاطاله