انا عندى مشكله فى الخدمه ومش عارفه احلها انا واحده من فريق كورال ومسؤله عن عمل الترانيم بوربوينت ومعايا فريق عمل بيساعدى او المفروض انه يساعدنى ولكنه فى الحقيقه بيتعبنى اكتر بالرغم من كل واحد فيه بياخد ترنيمه او اتنين بس فى الخدمه وقبل ميعاد الخدمه بحوالى شهر لكنهم بيجيبولى شغلهم ليله الخدمه وكمان مش مظبط نهائى والمطلوب منى انى اظبط الترانيم كلها واعمل ترانيمى واحاول انى اخلى كل الشغل مستوى واحد فى اقل من يوم وبالفعل بحاول على قد ما بقدر وربنا بيساعدنى بس المشكله ان اى حاجه بتحصل فى الترانيم انا اللى بتعاقب عليها من المس اللى ماسكه الفريق حتى لو انا مكنش لى ذنب فيها والفتره الأخيره انا بحاول انى ادور شويه على مستقبلى فباخد كورسات تفيدنى فى ايجاد فرص شغل كويسه لكن هى مش عايزه كده على طول محسسانى انى مهمله وانها عايزانى للفريق وبس ومش من حقى انى اعمل اى حاجه تانيه غير الخدمه اللى هى بتديهانى وانى لو عملت غير كده بيبقى مغضوب على وبسمع تعليقات كتيره جدا على فى وشى ومن ورايا. يعنى مثلا فى اخر خدمه انا كنت باخد كورس بيبتدى من الساعه 9 الصبح للساعه 4 ظهرا وباليل المفروض انزل خدمتى واخلص اللى ورايا فى الخدمه واذاكر واخلص المشاريع بتاعت الكورس اللى باخده فكنت ساعات كتير مش بلحق اراجع واتابع الناس اللى بيعملوا معايا الترانيم فكالعاده قبل الخدمه اتفاجأت ان فيه ناس مش ناويه تشتغل خالص الخدمه دى وان فيه ناس عندها استعداد انها تشتغل ولكن يكون شغلها كروته ومش ناويه تعمله كويس وناس واخده ترنيمه واحده وجايبهالى ليلة الخدمه بايظه مش مظبطه وعليا انى اظبط كل الترانيم دى واعمل فى حدود 5 او 6 ترانيم تانى لوحدى قبل الخدمه بيوم واحد وانا مش عارفه للأسف ولا ده كويس انى مش بعرف اعمل خدمتى كروته فحاولت على قد ما قدرت وعملت الترانيم بس اتأخرت شويه على ميعاد التجمع بتاع الفريق مش ميعاد الخدمه واول ما رحت سمعت كلام غريب جدا ان المس دى اتكلمت عنى وقالت كلام انا مش عارفه هى ازاى قالته عنى مع ان انا وهى نعرف بعض من اكتر من 8 سنين واحنا مع بعض واصحاب جدا بس للأسف انها عارفه انى انا الوحيده اللى ممكن استحملها فى الفريق كله فبالتالى اديتنى كمية كلام رهيب يوم الخدمه وبعد الخدمه ولمده اكتر من اسبوع وانا مش عارفه اعمل ايه معاها انا بحبها جدا بس خلاص مش قادره انى استحمل اكتر من كده وخصوصا انها بقيت تهينى قدام الفريق ومش فى وجودى كمان يعنى حتى مش هاقدر انى ادافع عن نفسى واجى اتكلم معاها تقولى انها مش عايزه تكلمنى خالص وقدام الفريق تقول كلام غريب عنى انى بحب اظهر وانى مش قد خدمتى انى بذلها بالخدمه اللى بعملها وانى بتدلع فى الخدمه وانى اللى بعمله ده قلة ادب منى وحاجات تانيه كتير والناس اللى معايا فى مجموعه البوربوينت قدامها بيقولوا انى انا اللى مش عايزاهم يساعدونى وانهم بيعملوا كل اللى عليهم صح وانا اللى دايما ظلماهم مع العلم انى كل ما اطلب من حد يساعدنى اللى يقولى انه وراه حاجه او مشغول او هيعمله كروته او انهم مش عايزين يعملوا فى الخدمه الواحده اكتر من ترنيمه او اتنين بالكتير فأعمل ايه انا بجد تعبت ومش عارفه اتصرف ازاى انا بحب خدمتى جدا وبحب المس بتاعتى جدا جدا ومش عاوزه اسيب الفريق بس الحل ايه انا مش قادره استحمل الضغط اللى عليا منها فياريت حد يقوللى انا غلط ولا صح واعمل ايه علشان ارضى المس بتاعتى وفى نفس الوقت اعمل خدمتى صح