[أميرة عبده]

بصى يا حبيبتى عارفه لما طفل يبقى عارف انه غلطان وبيبقى خايف من بباه بيلاقى بباه زعلان منه بس اول ما يجرى عليه ايه اللى بيحصل بيخده جامد حضنه عوزه اقولك ان ربنا حنين اوى علينا وعارف اننا بشر وطبيعتنا البشرية معرضه للخطية لكن من حنيته ورحمته انه بيقبلنا علطول لحضنه اجرى علية من غير ما تتكسفى ولا تخافى وانا واثقة ان دى معوقات من الشيطان ليكى وقوليله اخطأت يا أبتاه فى السماء وقدامك ولست مستحقه ان ادعى لك ابنه بل اجعلنى كأحد أجرائك واب اعترافك اللى خايفه من رد فعله ده انا واثقه انك هتلاقيه فى منتهى الحنية والطيبة صدقينى يا حبيبتى ولو حسة انك مش قادره تقوليله ممكن تلمحى له وهوه هيفهم علطول ومتأكده انك بمجرد التلميح هيفهمك علطول وهترتاحى خالص وهتفرحى بتوبتك اوى ده تعبير عن رأيي صدقينى مفيش احن ولا اطيب من قلب ربنا علينا وكل اللى انتى فيه ده حاجة اسمها معطلات ومعوقات الشيطان بيحطها قدامك علشان تتعبك نفسيا وتخليكى تخافى تتكلمى ربنا معاكى ويعينك على التوبه ويفرح قلبك بأذن المسيح .