[magdy totti]

عزيزتى دينا اولا شكرا لمحبتك ومتابعتك الموضوع
ثانيا انا مزعلتش منك ولا حاجة بالعكس انتى لذيذة اوى وتقريبا خادمة لانك بتتكلمى بروح حماس وتقدير قيمة النفس البشرية
ثالثا انا اسفة يا ستى علشان انا لغبطتك خالص معلش ههههههه
بس انتى اية اللى لغبطك يا حبيبتى انا كان كلامى واضح اقرية تانى كدة اهو

دا مش مجرد تخمينلكن فى احداث بتقول كدة وبتقول انة ممكن جدا

يعنى مش متاكدة لكن فى تصرفات مش طبيعية غلط فى كذب ولف ودوران
بالنسبة لسؤالك موقفى منها اية ؟ هى بنتى واختى ومخدومتى انا بحبها زى ما هى بكل حلوها وعيوبها ونفسى اساعدها واوصل ليها رسالة الرب يسوع

وسؤالك يعنى وحشة وشاذة وعنيفة بالنسبة للبنات اللى معاها هى مالهاش فى رقة البنات وطبعهم الهادى مش فاهمة يعنى اية عنيفة يا دينا وكمان نبقى فى الاجتماع وفجاة تعمل اى حاجة تشتتهم او تعلق تعليقات مالاهاش لازمة ووقفتها فى الشارع تسلم على اى حد حتى لو كان شاب مسلم طيب اقولك حاجة صدقينى فى بنت مش بتحضر الاجتماع بسببها برغم محاولاتى وافتقادى ليها كتير وكلامى معاها كتير

بتقولى يقدروا يستعبوا كل حاجة طيب حتى لو سلمت انا بكلامك دة وقدرت اوصل ليهم تعاليم المسيح اللى دخل بيت الخطاة والعشارين -- هيعملوا اية فى كلام الناس لما يقولوا دى زيها -- اوعى تعملى زى كراكيب وتقوللى اغير تفكيرهم الموضوع مش بالبساطة دى وانا سبق وقلت ان اهل بنت من البنات حذروها من الكلام معاها والمشى معاها فى اكتر من كدة

انتى مستغربة اوى لما بقولك بتكرة باباها وعمها -- طيب عارفة احنا روحنلها امبارح تانى عارفة لاقينا اية ؟؟
لقينا الاب ببيضرب الام بالخرطوم وبيشك فيها وفى بنتها انهم مش كويسين اية رايك ؟ ولما كلمناة قالنا لو جبتولى نبى دلوقتى مش هصدق انها كويسة هى وامها بصراحة انا عندى مبدا ان مفيش حاجة ابدا من غير سبب وكل فعل لية رد فعل انا قلبى بينزف الم ومرار وحاسة ان الموضوع اكبر منى وخايفة على المخدومة
ومن غير تفاصيل سخيفة كتير اعتقد انى كدة جاوبتك على سؤالك -- وما الاسباب التى ادت الى الكراهية دة سبب من الاسباب يا عزيزتى

وبالنسبة للاب الكاهن عارف كل حاجة وعارف اللى انا معرفوش كمان

مرسى يا دينا على حوارك ومناقشتك الجمية اتمنى اسمع تعليقك بقى بس اوعى تصدمى قبل ما تجاوبينى