عرض مشاركة واحدة
بياناتي
 رقم المشاركة : ( 6 )
goneer
ارثوذكسي مكافح
رقم العضوية : 54145
تاريخ التسجيل : Mar 2009
مكان الإقامة :
عدد المشاركات : 196
عدد النقاط : 10

goneer غير متواجد حالياً

افتراضي رد: واقعه تحت ضغط نفسى ارجوكوم ساعدونى

كُتب : [ 03-15-2009 - 03:05 AM ]


يسوع قوتة هتكون معاكى
انا مريت بنفس تجربتك
اسمعينى
انا كنت مخطوبة من سنةونصف لشخص ابن امه زيك يعنى لكنة يزيد فى انو كان كداب بارع وعلشان يفهمنى انو شخصيتة قوية وفىنفس الوقت علشان يفهم امه انه بينفذ كل اوامرها وانى زى الخاتم فى صباعة"انا مش ضد الطاعة" فكان يريح نفسة ويكدب علينا احنا الاتنين لغاية ما ربنا اراد انو ينكشف وبعد فسخ الخطوبة تفاجئت انهم بيقولوا فى الكنيسة ان انا كنت مقوياة ضد اهلة "مع العلم انهم خدام كبار اوى" .
اول شئ لجأت لآبونا المسئول عن الخدمة وهو اب اعترافى فى نفس الوقت وكنت خايفة كدة زيك لكنة قالى لاتشغلى بالك ولاتحطى الموضوع براسك وكونى قوية ولا تردى بشئ وقالى جملة حلوة اوى "ماتزرعة يدك الشمال تجمعة يدك اليمنى" وعملت زى ماقالى. وكنت دايما بصلى واقول حقى عندك يارب وقدرنى ع انى اسامح وفعلا بعد ست شهور صعبين جدااااااااااا نسيت الموضوع لكن صدقينى ربنا كان طول الوقت بيرد عنى ويخرس الالسنة لكن الصراع كان جوايا.
لكن حدث مالايخطر ع بال صدقينى اختى بعد مرور سنة فى القداس وقبل التناول أتفاجئ بيد تمسك بذراعى وأجد أنها أمه فقولت لها فى هدوء نعم
كان ردهاااااااااااااااااااااا اااااااا سامحينى انا اسفة يابنتى انا غلط بحقك "واكيد انت عارفة ان النوع دة من الامهات بتكون قد اية شخصيتهم قوية وصعبة جدااااااااااااااااااااااا ااااااااااا ومش سهل عليها ابدا انها تعتذر"
رديت عليها وقلتلها انا سامحتك من زمان
يومها انا كنت سعيدة جدا مش باعتذارها ليا لكن كنت فرحانة قوى بوجود ربنا جنبى وانه مابينساش اولاده ابدا ولا حقهم لكن هو بيتئنى علينا.
انت ممكن تستطولى طول المدة "سنة" لكن انا كنت حقيقى بعيدة عنة ومكنتش سيبة فرصة لربنا انه يتمجد فى حياتى ولكن بمجرد رجوعى لية حب يفهمنى الفرق بين انى فعلا اترك لة كل امورى وبين انى دايما بعتمدل ع فكرى "اعتمد على الرب من كل قلبك وعلى فهمك لاتعتمد"
سامحينى انى طولت عليكى بس حبيت اقولك " الرب يدافع عنكم وانتم صامتون" لاتهتمى ولاتقلقى وتوخى الحذر فى اختيارك القادم وربنا يوفق الجميع .
اذكرينى فى صلواتك