كُتب : [ 03-30-2010 - 08:54 PM ]
انا هحكى من الاول لانى مش لاقة حد اتكلم معاه او بمعنى اصح خايفة اتكلم اولا انا متزوجة وزواجى كان لهروبى من نكد بيت ابويا والخلافات المستمرة بين ابى وامى يعنى اول شخص وافقت عليه بدون اى تردد لمجرد انى اطلع من البيت وبعد الزواج بفترة اكتشفت انى وقعت فى اكبر غلطة فى حياتى كلها زوجى مختلف عنى فى كل حاجة كل حاجة تفكير شخصية طريقة تعامل كل حاجة بدات الخلافات تدب بيننا والحياة غير مستقرة ولو يرزقنة الله اولاد طبعا بسبب عدم الاستقرار لا يوجد اى نوع من العاطفة بينا لدرجة انى بحس ان علاقتى الشخصية به اغتصاب وليس حب كل حاجة بتتم غصبن عنى غصبن عنى المهم فى دوامة مشاكلى تعرفت على شاب على النت وبالصدفة كان له نفس ظروفى غير متوافق مع زوجتة ومحروم زى بالظبط والفاجعة الكبيرة او المصيبة الكبيرة انهة مختلف عنى فى العقيدة انا عارفة هتقولو ايه ايوة عارفة انها مصيبة كبيرة وحاسة كمان انى واقفة على حافة الهاوية المهم اتشديت ليه وخصوصا ان له ثقافة عالية ودراية بكل ما يخص الديانة المسيحية ختى اللغة القبطية عارفها وعارف اسسيات العقيدة ومتعمق منها اوى اوى المهم اتولد بينا حب كبير اوى اوى من غير اى استغلال منه ليا او منى ليه كل الحكاية انه بيتكلم معايا يحكيلى على مشاكلة متاعبة افراحة كل اللى محتاجة منى انى اشاركة لانه مش لاقى حد يفهمه زىىى بالظبط وصل التقارب والاحساس بينا انى بعرف هو بيعمل ايه وهو قاعد بعرف ان كان زعلان ولا فرحان عاوز يقول ايه من غير مايتكلم تواصل شديد الحساسية بقى بينا ومرة حب يتكلم معايا فى علاقة جنسية والحقيقة انى تجاوبت معاه مرتين وبعدها حسيت بمدى الغلط اللى وقعت فيه ومش عارفة اتكلم مع حد بس كل اللى اعرفة انه بيتعامل معايا بمنتهى الاحساس وبيخاف عليا اكتر من اى حد وبياكدلى انه عمرلاة ما يكون سبب مشاكل ليا فى حياتى مهما حصل انا عارفة ان الموضوع دة لو اتعرف على مستوى اسرتى ايه اللى ممكن يحصل طبعا مصيبة كبيرة انا بقيت مش عارفة اتحكم فى نفسى يوم مايغيب عنى ببقى زى المجنونة وهو عارف كويس اوى انى عمرى ما اغير ديانتى علشانة واحب اعرفكم مستوى الصراحة اللى وصل بينا اتكلمنا فى كل حاجة وبكل صراحة حتى اختلاف العقيدة اتكلمنا فية بكل صراحة وموضوعية حقيقى انا منهارة ومش عارفة اتكلم مع حد لان كل البلاوى والمصايب اتجمعت مرة واحدة فى مشكلتى عارفة انكم هتواجهونى بعنف شديد بس غصبن عنى هو عارف كويس انى عمرى ما هغلط معاه ابدا ولا هسيب ديانتى علشانة ابدا وكل اللى محتاجينة من بعض اننا نسمع بعض نخفف عن بعض نهون الايام مش اكتر يا رب اللاقى اللى يفهنى ويساعدنى:10800 : : 10800: