رد: فضفضلي
كُتب : [ 11-10-2008
- 02:54 AM
]
بالنسبه للبت سوسو متستعجليش ياختى
على قله المذاكره بكره تخلصى وتقدى فى البيت
وتقولى فين ايام المذاكره
بجد حاولى تركزى على اد ماتقدرى وسيبى الباقى على ربنا
هوه شايف انك مقصرتيش فى حاجه
وربنا معاكى ياسكره
اما بالنسبه لروزتى حبيبتى بصى ياستى
دى مرحله عاديه جدااااااااااااااااااا وكلنا بنمر بيها
انك تحسى انك مش بتعملى حاجه مفيده وان ملكيش لزمه
بس صدقينى مرحله وبتعدى بس المهم انك متفكريش فى كده
وحكايه انك نفسك تفضفضى ومش لاقيه حد من اصحابك يسمعك
احنا ياستى هنا علشان نسمعك
او لو شايفه انك مش هتقدرى تتكلمى هنا انا ياستى تحت امرك
او ممكن تاخدى اى واحده فينا وتتكلمى معاها
صدقينى انا عملت كده دخلت المنتدى علشان اضيع التفكير ده من دماغى
والحمد لله نجحت واتعرفت على ناس كتير وانتى منهم
ههههههههههههههههه
وصلى يابت كتير اوعى تنسى الصلاه
اما بقى لصاحب المشكله
انا بقولك زى باقى اخواتى انها محبتكش لانها باعتك فى اول الطريق
وكويس اوى ان ربنا كشفها فى الوقت المناسب
ومتزعلش نفسك خالص والمفروض انك تشكر ربنا
عارفه ان الكلام ده صعب عليك بس صدقنى
دى الحقيقه اللى مش بنحب نصدقها
تأكد ان ربنا شايفلك الاحسن
وخد بالك انك هتقابل مشاكل فى الحب كتير يعنى هتحب كتير
وتفتكر ان دا اخر حب وكده وفى الاخر مش هيكون
هوه ده الحب الحقيقى
ربنا يدبرلك كل خير وصالح
|