رد: ~*¤ô§ô¤*~يـومـيـات اعـضـاء ارثـوذوكـس~*¤ô§ô¤*~
كُتب : [ 06-16-2008
- 07:10 AM
]
البتاعة التانية من (( يوميات اعضاء ارثوذوكس ))
اولا احب اشكر تشجيعكم الجميل ده و ردودكم علي موضوعي المتواضع و بجد انا سعيد جدااا بمروركم و اتمني ان بقيت الحلقات تعجبكم ...
يا عم خلص و جيب من الاخر عايزين حلقة انهارده و رينا فيها ايه
اوكي تعالو شوفوا في ايه انهارده من مصايب اعضاء ارثوذوكس
اصطباحة مطينة
حلقتنا انهارده جيبة حته من حياة الاستاذ شنباوي و حته برده من حياة فتكات هانم و الحتتين ملزوقين ببعض ..
زي ما انتم عارفين طبعا ان الاستاذ شنباوي و فتكات هانم شركاء في محل خربان كده بيقولوا عليه مكتبة و هو ماسك فترة الصبح و فتكات بتيجي بليل و ده مش علشان يبقا وقتهم متقسم علي المحل .. لالا خالص دا علشان شنباوي بخاف انه يشوف فتكات لان اليوم الي بيشوفها فيه بيبقا يوم مطين .. سبحان الله صدقوني انا نصحت شنباوي و حذرته من الشركة دي
ما علينا الاستاذ شنباوي قاعد في المحل بتاعه الصبح و مبسوط و كله تمام و بيشرب كوباية الشاي بتاعته بمزاح و دخل عليه قدره المستعجل
فتكات : شنبوبتي حبيب قلبي صباح الخير يا نوحي
شنباوي : يا نهار اسود انتي ايه الي جابك
فتكات : وحشتني يا شنبوبة و قولت لازم اجي اقعد معاك انهارده بقالي كتير منفرتش بيك انا و انت لوحدينا و الهواء تالتنا
شنباوي : الهي ينفرد بيكي عزرئيل يا بعيدة
فتكات : ليه كده بس يا شلشوبتي و يهون عليك الفراق و العذاب و الاهات الي انت هتعيش فيهم من بعدي
شنباوي : فتكات اصطبحي و قولي يا صبح و فكك بقا من البوقين الحمضنين دول بتوع كل مرة .. قولتلك قبل كده العبي بعيد عني انا مش ناقصك
فتكات : (( قلبت علي الوش التاني )) يوووووه انت كده علطول يا شنباوي القاعدة معاك تقرف و كلامك زي السم طيب ارفع من معنويتي يا شيخ
شنباوي : معنويات ايه دي الي ارفع منها يا فتكات .. دي عايزة ونش يرفعها
فتكات : و انا الي كنت صاحية من الفجرية و قاعدة في الحمام لحد الساعة 8 مستنيا فرج ربنا و قولت هاجي لشنبوبة يهون عليا تعب التواليت
شنباوي : عنده حق ربنا .. يسهلهالك ازاي بالي انتي بتعمليه فينا ده .. بصي اقعدي بقا و انتي ساكته
في الوقت ده كان كركر بيه معدي علي شنباوي قبل ما يطلع علي الاذاعة علشان يسلم عليه و يربط معاه شوية امور
شنباوي : هههههه كركر جالك اهو .. استلميه بقا
كركر : صباح الخــــــ ... الله هي فتكتات هنا ... صباح الخيرات يا فتفوته
فتكات : كركورتي وحشني موت والهي كنت لسا بقول لشنباوي ان اكيد كركر هيحس بيا و يعرف اني هنا و يجي علشان يسلم عليا
كركر : (( بياخد ريقه )) فتكات يا قمورة انتي .. انا ورايا شغل انهارده بالهبل و مش ناقص اصطباحتك الي بتشقلب يومي
فتكات : بقا كده انت كمان يا كركورتي اهون عليك و انا بموت في نظرت عنيك
كركر : عارفة اسامة منير لو سمعك و عرف ان هو السبب في الي انتي فيه ده ... هينتحر
فتكات : ما انت مش راضي تخليني اقبله خالص
كركر : يا بنتي بقولك هينتحر ... ايه مش حرام عليكي .. بنات مصر محتاجينه
فتكات : انا اهم من بنات مصر ولا انت ايه رايك يا كركورتي
كركر : اهمدي بقا خلينا نقول الكلمتين الي جاين لهم و اتنيل اروح الشغل .. رغم اني بفكر اروح البيت بعد ما اصطبحت بيكي
فتكات : الهي يولع فيكم بجاز .. شوية شباب ملكمش لزمة معندكمش احسيس و لا نظرة مبعدية للانوثة الي هي
كركر : شنباوي قوم تعالي عايزك يا عم في كلمتين .... والهي ليهم حق يخلوا الهواء بفلوس بسبب امثالك يا فتكات
كركر اخد شنباوي و طلعوا وقفوا بره المحل بعيد عن فتفوته الي انا معجب بيها شخصيا
شنباوي : الا صحيح ايه الي انا سمعته ده في الحلقة الاخيرة بتاعتك .. بقا معقول هندفع فلوس علي الهواء
كركر : و فكرك انا سكت .. والهي قمت دفعته 10 جنيه و كان فكرني بهزر بس خدتهم منه و حطيتهم في خزنة الاذاعة و كتبت عليهم 10 جنيه هواء
شنباوي : ما علينا المهم ايه النظام بقا
كركر : الواد بهلول و بؤلظ هيخلصوا امتحانات يوم الاربع الي جاي بعد بكره هنخدهم بليل و نطلع علي المقطم نقضي ليلة جامدة يا معلم
شنباوي : تمام حلو اوي الكلام ده .. و انت هتخلص شغل انهارده الساعة كام
كركر : انا بفكر مرحش يا عم .. رغم اني لو مرحتش هطرد
شنباوي : ليه يا عم متروحش ليه
كركر : انت ناسي يا شنباوي اخر مرة روحة فيها الشغل و كنت قبلها مصطبح بوش فتكات ايه الي جرالي
شنباوي : ههههههههه لالا مش ناسي بس صدقني فتكات دي من جواها طيبة اوي بس هي ازمة الجواز بعيد عنك خليتها تتهبل علي كبر
كركر : انا مش عارف انت ازاي قبلت انها تكون شريكة ليك في المحل .. ما انت لو كنت سمعت كلام bolalover كنت زمانك دلوقتي مرتاح
شنباوي : يا عم والهي كانت كويسة زمان و غلبانة بس دلوقتي جالها صرع الجواز ... ما تيجي نجوزها يا كركر
كركر : و نجبلها جوز منين دي بقا
شنباوي : نجبلها واحد بالتقسيط يا عم
كركر : نيهاهاهاها لا نجبلها واحد بالاجرة ... انت رايق يا عمنا انا ماشي رايح الشغل و هبقا اتصل بالواد بهلول اظبط معاه الليلة
شنباوي : اوكي يا باشا بس ربنا يستر و طمطم مش هي ال ترد عليك زي كل مرة
كركر : اسكت يا عم دا البت دي كفرتني في عشتي
شنباوي : معلش ... يالا سلام
كركر : سلام ......(( بصوت عالي و بحنية جميلة )) سلام يا فتفوته
فتكات : سلام يا كركورتي
و انا كمان هقولكم سلام و استنوا الحلقة الي جاية هتكون جامدة مووووووت
و اتمني انكم تكونوا اتكيفتوا من حلقة انهارده
اخوكم
شحات المنتدي
|