رد: كيف نعالج مشكلة عودتنا لخطية معينة
كُتب : [ 02-09-2011
- 12:55 PM
]
اللة اية الموضوع الجميل دة ؟
ايوة حلوة الموضوعات المفتوحة دى اوى محتاجنها فعلا منك بس انا مش بشوفها كتير منك عاوزين من دة كتير مليش دعوة هههههههه
انا حاسة انى شبطت فى شيكولاتة ههههههههه
بص بقى
انا هتكلم عن نفسى
الخطية المحبوبة واللى هى بتسمى نقطة ضعفى
هتحتاج منى حاجتين
اولا : الرجاء
لانى لو حسيت ان خطيتى عظيمة واديت فرصة لعدو الخير يضخم الامور فى عنيا هيوهمنى ان ربنا مش هيقدر يغفرها لى
لكن لو فهمت وافتكرت دايما اتساع صدر اللة ومحبتة وعملة مع الخطاة والصالبين دة هيدينى رجاء وثقة فى مكانى جوة قلب يسوع
ثانيا :
لو حاولت ابطل الخطية خوف من العقاب من ربنا او خوف على شكلى قدام الناس او خوف من العثرة لغيرى
تبقى هنا التوبة ناقصة لانها مزروعة على ارض فيها شوك
لو حاولت ابطل الخطية لانى خجلانة من محبة ربنا وطول اناتة وصبرة عليا كل يوم دة هيساعدنى اعمل المستحيل اجاهد اد ما اقدر بنعمة ربنا اللى جوايا
فى فرق بين انى اسمع كلام ربنا علشان خايفة منة
وبين انى اسمع كلام ربنا علشان بحبة ومش عاوزة اجرحة واهين حبة ليا
لو شعرت بوجود ربنا قدامى وحسيت بية دة هيساعدنى على حياة الكمال والسعى للامام والطلوع سلم الحب للة والجهاد بصبر وايمان
لكن مشكلتنا اننا مش بنشوف ربنا فى حياتنا وفى عملة وفى صنعة وعلشان كدة بتغيب عننا حقيقتة النورانية لاننا معندناش البصيرة الروحية اللى بيها نشوفة دايما
اسفة للتطويل
مرسى يا مستر جدا
|