[جناح المسيح]

احلى العيون

احلى العيون اللى شافتها..عيونى هى عينك
واحلى المعانى انا حسيتها..فى غرام ما بينى وبينك

الله يخليك يا عمرى.. ليا يا كل املى
انا بحلم بيك وحلمى..انى اعيش عمرى لهواك
ما انا شوقى ليك لوحدك..وبحبى ليك صارحتك
انا نفسى اعيش فى قلبك..يا حبيبى واكون معاك

انت كل الحياه..مش ممكن انسى لا
يوم ما انت ناديت عليا..وبشوق رديت نداك
انت الغالى الوحيد..لو تبعد يوم بعيد
بشتاق ليك وابقى عايز..اصرخ من شوقى ليك

طب مين فى الدنيا زيك..انا عمرى ما شفت زيك
بلاقيك جاى وانا جايلك..يعنى انت اللى فاهمنى
ومين غيرك بيأمنلى..على قلبه ويحايلنى
علشان افضل فى حضنه..ومشاعره بتبادلنى

يا حبيبى انت الامان..وفى حضنك الحنان
لو كل الناس تنام..علشانك ببقى صاحى
ما انت اللى ليا ومفيش..حد غيرك لا مليش
يا حبيبى انا بيك بعيش..ومعاك بتهون جراحى

انت كل الحياه..مش ممكن انسى لا
يوم ما انت ناديت عليا..وبشوق رديت نداك
انت الغالى الوحيد..لو تبعد يوم بعيد
بشتاق ليك وابقى عايز..اصرخ من شوقى ليك

يا حبيبى بحبك اكتر..من ما انت تكون مفكر
لو يوم انا بس اقدر..كنت اجيبلك النجوم
ده انا شوقى ليك بيكبر..واهو كل شئ مقدر
زى ما مكتوب هتاخد..على قد كل يوم

انا عمرى ما عشت دنيا..زى اللى بعيشها ديا
لو بس تعدى ثانيه..من غيرك يووووه بموت
جنبك عشت الامانى..يوم ما اتمنيت ده جانى
حُبك قلبك نادانى..ومعاك مات السكوت

ما انا قابلك كنت ساكت..وقابلتك شمسى راقت
ياللى روحى دى راحت.. لما شافت عنيك
ما احلى العيون اللى شافتها..عيونى هى عينك
واحلى المعانى انا حسيتها..فى غرام ما بينى وبينك

من تأليفى
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي