السلام لكم احبائى فى احلى واروع منتدى
طبعا كلنا اول مابندخل الكنيسه لازم نقول ابانا الزى فى السموات صح؟؟؟؟؟؟
ونقول واغفر لنا زنوبنا كما نغفر ايضا للموزنبين الينا....
كلام جميل.... بس هل ده فعلنا مع الناس
اصحابنا.. اخواتنا.. اهلنا ..زمايلنا فى العمل او الدراسه
طبعا لا.. وانا اولكم مش باعمل كده.....
سمعت موضوع من احد الاعضاء المقربين منى جدا هنا فى المنتدى على الموبايل انه زعلان من عضو تانى (وبدون زكر اسماء)....
اه هو موضوع يزعل..(بس من كان منكم بلا خطيه فاليرمه اولا بحجر).....
طبعا الموضوع ده مش عشان حاجه غير عشان بس بيه الاعضاء اللى زعلانين من حد مننا هنا يعرفو حاجه واحده.
ان الغلط صفه بشريه واحنا مش ملايكه وكلنا بنغلط بس الغلط بيختلف من شخص لاخر بس فى الاول وفى الاخر كله اسمه خطيه وغلط .......
واخيرا مش عايز حد يكون زعلان من حد هنا احنا رمينا ورانا سنه فاتت بهمها وحزنها وفرحها مش لازم ناخد من السنه اللى فاتت مشاكلها
وياريت اى حد زعل حد فى السنه اللى فاتت يكون عنده الشجاعه انه يصالحه ويعتزر ليه
عشان لما ندخل نصلى تانى يبقى نقول واغفر لنا زنوبنا كما نحن نغفر وغفرنا للموزنبين الينا..............
وانا هاكون اللى يبدء
انا اسف جدا يافادى عشان لما انا عرفت متاخر انك تعبان ماجتش القاهره ازورك وانا عارف انك لو كنت مكانى ماكنتش هاتتاخر عليا.. واسف على كونى استفزيتك فى منتدي رياضه وحتى لو انى صلحتك قبل كده بس انا ماعرفش ازا كنت لسه زعلان ولا لا..
وفى شخص تانى وبدون زكر اسماء كان عزيز على قلبى جدا وكنا قريبين من بعض اوى بس هو بعدنى عنه عشان يبعدنى عن مشاكله وانا مافهمتش كده فاجرحته وظلمته...
انا باقوله انا اسف انى كنت عصبى وعصبيتى عمتنى عن اللى كان بيحصل قدامى....
واخيرا باعتزر لكل شخص ممكن اكون انا زعلته ولو حتى بدون قصد او من غير ما خد بالى
لما نشوف بقى مين اللى هايكون شجاع ويبتدى بعدى وياااارب مايكون فى زعل تانى مابين حد....
اخوكو مايكل