دنجوان
ياللى بتلعب على الوتر الحساس .. مش فارقه معاك قلوب الناس
خارج م البيت يا عينى ملمع .. ماشى براحتك يا سيدى متأمع ..
فاكر نفسك دنجوان .. وانت تلاقيك ضاربلك جوان
عايش دور ليوناردو دى كابريو .. وانت اخرك تقف على كوبرى ..
بتلعب بقلوب بنات بريئه .. طبعاً مش عارفين ايه الحقيقه
عامل قلقان ونفسك تلاقيها .. وأنت مقضيها كل دقيقه ..
تتمسكن شويه بكلام معسول .. تعيشها الوهم وقلبك مكسور
ال زهقان تعبان مشغول .. وتطلب منها يكون ليها دور ..
وتفرح وتهلل لما تدوب فيك .. طبعاً الدنيا بقت ملك ايديك
وتركنها شويه وتنفض ليها .. وتشوف غيرها وتجيب رجليها ..
وتلعب بعواطف وريهام وسعاد .. وعندك استعداد لأم فؤاد
مش فارقه معاك الكل شغال .. ماانت مكبر أخر استهبال ..
على طول رنات وحبه رسايل .. دى للى حاضره ودى للى سائل
يعينى مواعيد خلاص مش قادر .. عايز سكرتيره تضبطلك المسائل ..
فرحان بشبابك عامل قلبك جمعيه .. بس اللى يدخل بنات من اللى هيه
وانت مبسوط وواقف عالباب .. لايق عليك ماهو أخرك بواب ..
يا ابنى فوق ولا حلو أكمنك .. الدنيا كده هربانه منك
حس بغيرك وأستخدم عقلك .. احسن تقلب مش هتبقى لصالحك ..
يا ابنى فوق ده كان زمان .. البنت مش عايزه غير الحنان
عايزه الثقه عايزه الامان .. عايزه تحس بقلب انسان ..
--------------------
موضوع كله هزار
يعنى حبيت اغير شويه
يارب تعجبكم