ما تحس ف يوم بحزن كبير ودموعك تكتر جوة عنيك
لما تلاقى ف يوم كل الى حواليك سابوك وبعدو عنك ونسيوك
لما تيجى عليك ايام وتلاقى قلبك من الحزن
حيران لما تكبر فيك احلام وتجرى عشان تحققها فجاه تلاقيها اوهام
لما تتجرح ف يوم من حد وجرحك يملى كل القلب ودموعك علطول مش عاوزة تزول
لما تفكر ف المستقبل وحلمك جواك يكبر اكتر ترجع تراجع نفسك وتقول ده حلم استحالة يتحقق اصلا
لما تدور ع صاحب ليك علشان تشكيلو ويحس بيك ويخفف الهم شويه عليك
.
لما تتعب من ايامك وتلاقى مشاكل عاوزة تحطم كل حياتك
.
هو واحد بس الى حاسس بيك وصدقنى صاحبو هيكونلك اوفى صديق
هو اكتر واحد حبك والدليل هو الصليب
صدقنى لو قربت ليه هيخدك ف حضنو ويشيلك جوة عنيه وعمرو ماهيلومك ع جرحك الى سببتو ليه
ده هيشيل كل همومك الى جواك وهتلاقى الفرحة مش سايعاك
ومستقبلك متقلقش عليه عارف ليه؟لانو هيبقى بين اديه
يلا سلم حياتك ليه هينسيك كل ماضى تعبت فيه صدقنى ده مش كلامى بس ده دلوقت احساسى الى انا حاسس بيه وهو شايلنى جوة عنيه ده دلوقت وانا وياه مش عاوز حاجة من الحياه غير انى افضل طول عمرى معاه ده هو الحب الحقيقى الى طول عمرى كنت بستناه وعمرى تانى ماهسيبو وارجع لوجع الحياه ده هو الوحيد الى لقيت روحى معاه