[Dr.PeRO]

+ بعد اذنكم انا كنت عاوز اوضح حاجات بسيطة بعض الشئ.
+ يا جماعة انا على فكرة كتبت الموضوع ده مرتين، اول مرة بعد ما كتبته كله روحت لغيته... كنت متردد انى أضعه، عشان اولا انا مكنتش متأكد ان البنت ممكن تموت يعنى مع ان ده الاحتمال الأكبر فعلا .. ثانياً عشان محدش يفتكر انى بتكبر وبقول ان ربنا بيستخدمنى واكون عملت من نفسي خادم ولا قديس !!! ثالثاً، لو مكنتش انا، كان ربنا هيستخدم مليون غيري اكيد، عشان هو عاوزها تعيش لسه، أو على الاقل كان ممكن يحفظ توازنها بدون تدخل ان انسان.
+ بس فى الآخر كتبته تانى عشان بفرح جداا لما حد من يقرأ اي حاجة ويقرب ولو سنتيمتر من ربنا بسببي، ده بالنسبالى انجاز رهيب، وده شئ بيفرح ربنا جدااا يبقى ليه معملوش!!
+ وأحب أوضح الحقيقة أنى انا انسان خاطى جداا وده مش إتضاع والدليل ذكرته انى كنت رايح أعترف ساعتها .. انا على فكرة من 8 شهور تقريباً كنت انسان ولا يعرف ربنا خالص .. كانت بتناول مرتين تلاتة فى السنة!!! كانت حياتى ماشية عادى جداا كأنى انسان مش مسيحي اصلا .. أيام كتيييرة عدت عليا بدون ولا دقيقة صلاة!!! لكن حدثت فجأة بعض الاموراللى أقدر أسميها إختبارات، انقلبت فيها كل المفاهيم رأساً على عقب، وابتديت شوية اعرف ربنا واكتشف شوية بشوية حبه اللى أسرنى بمعنى الكلمة!! فا مش معنى انى بكتب كلام جميل عن ربنا وعن حبه يبقى انا انسان كويس!! ولا انى ليا آذان مدربة على صوت ربنا ولا بقدر أميز يد الله وعملها ولا الكلام الجميل والكبير عليا اللى انته كتبتوه ده خااااالص بجد ... وازن القلوب هو الله.
الظاهر انكم خدتوا فيا مقلب بجد ... بشكركم من قلبي كل واحد على حداه، أ/أيمن - إيمي - نادر الشبح - أشرف وليم .. ربنا يبارك حياتكم وصلوا من أجل ضعفى.
وآسف للاطالة.