رد: جونا عنيد افيدوني
كُتب : [ 05-14-2014
- 03:14 PM
]
اولأ ازيك يا صافى عاملة اية مبروك النعمة اللى ربنا ادهالك ابنك ربنا يخليهولك
بصى كلام استاذ ايمن صح جدآ الطفل دة عالم كبير صعب جدآ تفسيرة
والعند عند الطفل بيكون سببة احنا قبل منة هو
متضربهوش خالص متستخدميش الضرب معاة خالص لان دة بيدل على ضعف شخصيتك قدامة
اقولك على موقف حصل معايا من ابن اخويا عندة 4 سنين او 5 سنين
لما بيتعصب عليا ويتنرفز بكتف ايدة لحد ما يهدى واقولة وانا هادية ومش متعصبة انا مش هضربك متخافش انا مسكاك وممكن اضربك واقدر اضربك بس مش هضربك اهدى وبلاش عصبية فهمنى عاوز اية ؟
ولو طلبة مينفعش بتفاهم معاة ولازم يكون فى بديل لطلبة عشان اشغلة عن سبب زعلة
بس ابدئى بنفسك الاول متفقديش اعصابك خالص
مرة دكتور نفسى فى برنامج بقول الطفل لما بيشوف ماما متعصبة بيقول بينة وبين نفسة . يااااااااة بقى انا الطفل الصغنن اوى كدة اقدر اخلى ماما تبقى عصبية كدة وبيتولد عندة التحدى مع الايام ويكون فى شكل العند
|