رد: افترقنا بسبب اتصال
كُتب : [ 05-21-2012
- 10:00 PM
]
عزيزي .. قوم من ظلامك ده ... متسيبش نفسك في دائرة الندم دي ... أنا عارفة إنك غصب عنك وإن حبك الكبير جعلك نادم ... لكن هتفضل لإمتى كده؟؟؟؟؟؟؟؟؟؟؟
إنت ف إيدك ترجع كل شئ ببساطة ... قوم وإتحرك ودور على شغل أياً كان بس إبدأ حياتك وبلاش تستسلم للفشل ...
خد وقت في إسترجاع طاقتك في الشغل والإنجاز وأكيد هتنجح
طالما إنت عندك هدف ولسه بتحبها يبقى تقدر تعمل كل شيء من إجلها
مش إنت بتقول إنك مستعد تموت نفسك علشانها ؟؟؟ ولا هو كلام وبس!!!!
إثبت كلامك ده بالعمل... بالفعل ... بالتصرف طالماً بتحبها
وساعتها تقدر تدخل من الباب وتتقدملها وتثبت لها إنك نيتك صادقة ومخلصة
على فكرة هي مش عاوزة كلام هي دلوقت محتاجة منك تصرف تثبت به كل كلامك اللي قلته لها أيام علاقتك بها
وهو ده الطريق الوحيد لك عشان كل الأمور تتصلح
لكن لو فضلت مستسلم كده .. إنت هضيع وهي هضيع منك
ولعلمك الوقت عامل مهم في الأمور دي
يعني كل ما مر الوقت كل ما هي هتتأكد إنك كنت كداب وبتاع كلام وهتندم على إنها صدقتك
لكن لو إستغليت الوقت ده في الإجتهاد والشغل وبإخلاص أكيد ربنا هيساعدك
وطالما إنت متقصدش يبقى من حقك تدافع عن نفسك قدامها وتعلن لها كده
بس مش بالكلام لازم بالتصرف وإلا مش هتحصل على أي حاجة بل هتضيع منك كل حاجة
قوم يا بطل وإستغل وقتك وطاقتك وشبابك وقوة حبك ودافع عن حبك
تأكد إنه ف إيديك ترجع اللي راح وربنا هيكمل معاك
متخافش
|